Tags-Husn

husn-e-be-sāḳhta bhātā hai mujhe
surma añkhiyāñ meñ lagāyā na karo

labrez hai shuā-e-ruḳh-e-dil-faroz se
le āb-e-husn-e-sāġhar-e-sarshār aa.ina

ġhash khā ke gir paḌe na kahīñ ro.ab-e-husn se
is vāste hai pusht ba-dīvār aa.ina

pahlū-o-pusht-o-sīna-o-ruḳhsār aa.ina
hai razm-gāh-e-husn kā ye chaar aa.ina

raat kā husn bhalā kab vo samajhtā hogā
chāñd be-faiz añdheroñ meñ nikaltā hogā

dil pareshāñ ho gayā rañg-e-zavāl-e-husn se
aag dekhī thī dhuāñ pahle kabhī dekhā na thā

thī husn kī chhab ik ajab adā jab phuul sā chehra mahak uThā
vo manzar mujh ko jachā bahut phir umr usī meñ basar huī

ġhurūr-e-husn unheñ inkisār-e-sheva-e-ishq
vo be-niyāz rahe ham niyāz-mand rahe

kis tarah husn ko lafzoñ meñ muqaffal kar duuñ
kis tarah kah duuñ mirā rab mirā dekhā huā hai

kaisā tilism-e-husn hai us jalva-gāh meñ
jalva nazar meñ hai kabhī parda nazar meñ hai

ho salāmat mirā ishq josh-e-junūñ husn ke raaz ḳhud munkashif ho ga.e
itnī mushkil nahīñ rahguzār-e-fanā be-ḳhudī chāhiye āgahī ke liye

ek paikār hai ḳhud se jise kahte haiñ vafā
husn-e-nā-karda tamannā ko vafā kyā ma.alūm

kin naqāboñ meñ hai mastūr vo husn-e-ma.asūm
ai mirī chashm-e-gunahgār tujhe kyā mālūm

tire jilau meñ baḌhī hai chaman kī shādābī
guloñ kā rañg tire husn ne nikhār diyā

jam.iyyat-e-husn aap kī sab par huī zāhir
jis bazm meñ bā-hāl-e-pareshān ga.e ham

uf tire husn-e-jahāñ-soz kī pur-zor kashish
nuur sab kheñch liyā chashm-e-tamāshā.ī kā

apne markaz kī taraf mā.il-e-parvāz thā husn
bhūltā hī nahīñ aalam tirī añgḌā.ī kā

rañg har phuul meñ hai husn-e-ḳhud-ārā.ī kā
chaman-e-dahr hai mahzar tirī yaktā.ī kā

khuleñgī āñkheñ nashsha utregā
husn tak uuprī ye mastī hai

jaañ bhī de kar mile to muft samajh
har tarah jins-e-husn sastī hai