Tags-Husn

husn dikhlā rahā hai qudrat-e-haq
but ko bhī zauq-e-ḳhud-parastī hai

husn bātoñ meñ bhī paidā kiije
sāmne aa.ina rakkhā kiije

mārka-ārā.īyāñ haiñ aaj husn-o-ishq kī
sāmnā is jalva-gah meñ dilrubā se dil kā hai

husn hī husn thā aur jalve hī jalve har-sū
kāñpte hoñToñ se kahtī rahī vaarī vaarī

ta.ajjub kyā agar rasm-e-vafā yuuñ bhī hai aur yuuñ bhī
ki husn o ishq kā har mas.ala yuuñ bhī hai aur yuuñ bhī

us husn se kuchh hastī meñ tirī azdād hue the aa ke baham
ik ḳhvāb-o-haqīqat kā sañgam miTTī pe qadam nazroñ meñ iram

nazr sar kartā huuñ maiñ ai shāh-e-husn
hukm ho jallād ko irshād ho

ham zamāne se faqat husn-e-gumāñ rakhte haiñ
ham zamāne se tavaqqo hī kahāñ rakhte haiñ

thā bahut shauq-e-vasl tū ne to
kamī ai husn tā-ba-gāh na kī

chalo achchhā hī huā muft luTā dī ye jins
ham ko miltā sila-e-husn-e-nazar hī kitnā

pās-e-ādāb-e-husn-e-yār rahā
ishq mere liye adiib huā

ye husn kī maujeñ haiñ yā josh-e-tabassum hai
us shoḳh ke hoñToñ par ik barq sī larzāñ hai

vo barg-e-gul-e-tāza vo shabnam kī latāfat
ik husn se vo ḳhanda-e-sāmān-e-haqīqat

vo ruuh meñ anvār-e-ḳhudā sub.h vo sādiq
vo husn jise dekh ke har aañkh ho āshiq

suno āvāz tum mere lahū kī
yahī to raaz husn-e-shā.irī hai

apne uḌte hue āñchal ko na rah rah ke sambhāl
husn ke parcham-e-zar-tār ko lahrāne de

āñkheñ ḳhudā ne dī haiñ to dekheñge husn-e-yār
kab tak naqāb ruḳh se uThā.ī na jā.egī

husn kā haq nahīñ rahtā baaqī
har adā meñ vo adā karte haiñ

ye tirā husn-e-takallum ye tirā husn-e-bayāñ
TūTne lagte haiñ ā.īne tirī guftār meñ