Tags-Husn

husn kī mahfiloñ kā vazn baḌhā
jab se ham bāryāb hone lage

jise na merī udāsī kā kuchh ḳhayāl aayā
maiñ us ke husn pe ik roz ḳhaak Daal aayā

shoḳhī shabāb husn tabassum hayā ke saath
dil le liyā hai aap ne kis kis adā ke saath

navā navā meñ mirī zindagī machaltī hai
rabāb-e-husn-o-mohabbat pe naġhma-ḳhvāñ huuñ maiñ

aaj vo phuul banā husn-e-dil-ārā dekhā
sach huā pichhle baras jo bhī kahā thā dekhā

nau-ba-nau tāza-ba-tāza jalva-e-shādāb-e-husn
kar sake kis tarah āḳhir koī itmām-e-ġhazal

faroġh-e-husn baḌhā dil kī be-navā.ī se
faqīr ho gayā shān-e-tavañgarī ke liye

shāyad ki sochtā bhī ho mere liye vo husn
mujh ko nikāl kar jo mujhe dekhtā bhī thā

utrā zamīn par to nigāheñ chamak uThīñ
ye husn garche ḳhuld se kam thā judā bhī thā

ḳhayāl husn-e-ḳhayāl meñ gum
nigāh ḳhvāb-e-jamāl meñ gum

terī qāmat kī baat jab aa.ī
husn kā ik nisāb likh baiThe

jahāñ kī sair to kī tū ne lekin ai shah-e-husn
kabhī faqīr ke takiye pe tū na aa niklā

jab ahl-e-chaman so jaate haiñ to husn ke Daakū aate haiñ
kuchh raat ga.e kuchh raat rahe luTtā hai ḳhazāna phūloñ kā

mirā dil kuñdan husn kā khaan hai tū
nahīñ hai sunārī taqāzā kā hājat

ishq meñ hai 'jalīl' lā-sānī
husn meñ yaar kā javāb nahīñ

tumhārā husn ārā.ish tumhārī sādgī zevar
tumheñ koī zarūrat hī nahīñ banñe sañvarne kī

adā-e-husn jise kahiye be-ruḳhī 'tanvīr'
usī kī tarz-e-taġhāful kā raaz faash bhī thā

gulshan-e-husn se behtar koī gulzār nahīñ
sumbul is tarah kā pur-pech-o-shikan hai kis kā

husn se dil to lagā ishq kā bīmār to ho
phir ye unnāb-e-lab o seb-e-zaqan hai kis kā

husn kī gar zakāt pā.ūñ maiñ
to bhikārī tirā kahā.ūñ maiñ