Tags-Husn

husn-e-nazar kī aabrū san.at-e-barhaman se hai
jis ko sanam banā liyā us ko ḳhudā banā diyā

donoñ ko de ke sūrateñ saath hī aa.ina diyā
ishq bisorne lagā husn ne muskurā diyā

tujhe husn māya-e-nāz hai dil-e-ḳhasta mahv-e-niyāz hai
kahūñ kyā ye qissa-e-rāz hai mirā ishq ḳhāna-ḳharāb hai

husn se duur hī rahnā behtar
jo milegā vahī pachhtā.egā

na ishq ishq rahā ab na husn husn rahā
na vo vafā.eñ rahīñ ab na vo jafā.eñ rahīñ

na ab vo ishq na vo ishq kī adā.eñ rahīñ
na ab vo husn na vo husn kī havā.eñ rahīñ

rabāb-e-isq na mizrāb-e-husn kuchh bhī nahīñ
vo naġhma-hā-e-tamannā na vo sadā.eñ rahīñ

ġhurūr-e-husn kī be-iltifātiyoñ kī tarah
nigāh-e-shauq rahī ab na iltijā.eñ rahīñ

mizāj-e-husn-o-mohabbat meñ sādgī na fareb
na vo yaqīn rahā ab na vo daġhā.eñ rahīñ

vo husn-o-ishq ke rāz-o-niyāz hī na rahe
na vo ḳhatā.eñ rahīñ ab na vo sazā.eñ rahīñ

pyārī laḌkiyo patā hai ḳhudā ne tumheñ kyuuñ banāyā hai
is liye ki tum zindagī kā dāman husn-e-do-ālam se bhar do

husn-e-tabassum terī nazroñ kī har dhaḌkan
brindavan kī shāmoñ jaisī āñkheñ terī

ma.abad-e-husn-o-mohabbat bārgāh-e-soz-o-sāz
tere but-ḳhāne hasīñ tere kalīsā dil-navāz

rashk-e-shīrāz-kuhan hindostāñ kī aabrū
sar-zamīn-e-husn-o-mausīqī bahisht-e-rañg-o-bū

baam o dar par hai sholagī raqsāñ
husn ko be-naqāb dekhā hai

nāz-o-andāz husn-o-ḳhūbī meñ
kaun hai tum sā us kā naam to lo

ā.īna husn-e-sabīh bhī kyā dekhe ki vo vaqt-e-nazzāra
dam bhar nahīñ jamte shauq-e-nazar ke paañv phisalte rahte haiñ

masrūr-e-dīd-e-husn hai is vāste 'fanā'
duniyā ke aib par kabhī merī nazar na jaa.e

isī husn-e-ta.alluq par varaq likhte ga.e laakh
kiran se rū-e-gul tak ek pal kā rābta thā

ḳhayāl-e-husn zarūrī hai zindagī ke liye
charāġh le lo añdhere meñ raushnī ke liye