Tags-Husn

husn sar-tā-pā taġhāful hai rivāyat ke nisār
tajraba apnā ye kahtā hai ki aisā bhī nahīñ

ilāhī kis kī sham-e-husn se raushan hai ghar merā
ki ban jaatā hai jugnū aaj jo parvāna aatā hai

udhar haiñ husn kī ghāteñ idhar haiñ ishq kī bāteñ
tujhe afsūñ to mujh ko use parī afsāna aatā hai

ye baat aaj mujhe aa.ine ne samjhā.ī
tumhāre husn pe itnā zavāl thoḌī hai

shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ

Duub kar dekh samundar huuñ maiñ āvāzoñ kā
tālib-e-husn-e-samā.at mirā sannāTā hai

tumhārā 'sāqī'-e-shaidā hai be-navā saa.il
zakāt-e-husn kā hissa faqīr ko do baañT

jis jagah mohabbat se husn-o-ishq milte haiñ
kaun sī vo duniyā hai kaun sī vo bastī hai

tū vo hai shah-e-husn agar baaj talab ho
le huur se guldasta tabaq shāh-e-parī se

alfāz masā.il ke sharāroñ se bhare haiñ
ġhazloñ meñ mirī husn kā paikar na milegā

na jaane in dinoñ kyā ho gayā hai saaqī ko
nigāh-e-rind meñ husn-e-talab nahīñ paḌhtā

'barq'-sāhab ne na dekhā tujhe ai barq-jamāl
shahr meñ jā ke tire husn kā charchā karte

kaun sī jā hai jahāñ husn kā shohrā na huā
ishq bechāra kahāñ dahr meñ rusvā na huā

abhī hai mohlat-e-husn-e-amal uTho 'zauqī'
javāb dene lage dast-o-pā to kyā hogā

abhī apne martaba-e-husn se miyāñ bā-ḳhabar tū huā nahīñ
ki ġhazal-sarā tire baaġh meñ koī murġh-e-tāza-navā nahīñ

tire naḳhl-e-husn kī koñpleñ abhī nā-shagufta haiñ ai parī
jo nasīm aa.ī hai us ne bhī inheñ kuchh samajh ke chhuā nahīñ

vo husn-e-mujassam jab guzrā hai chaman se tab
ḳhud apnā sarāpā bhī phūloñ ne sañvārā hai

maiñ us kī khoj meñ niklā huuñ saath le ke use
vo husn mujh pe ayaañ bhī hai aur chhupā bhī hai

bār-e-ḳhātir hī agar hai to ināyat kiije
aap ko husn mubārak ho mirā dil mujh ko