Tags-Husn

be-mausam bārish kī sūrat der talak aur duur talak
tere dayār-e-husn pe maiñ bhī kin-min kin-min barsūñgā

husn-o-ishq kī laag meñ āḳhir kis ko mujrim Thahrā.eñ
dil kā dāman chaak huā ho aisā bhī ho saktā hai

ab talak dhun hai husn-e-dandāñ kī
dekh is pople 'nazīr' kī arz

husn to bas do tarah kā ḳhuub lagtā hai mujhe
aag meñ jaltā huā

har ḳhair kisī shar se baqā-yāb huī hai
ye hsun-e-ta.adul bhī to azdād kī zid hai

husn-e-ma.asūm ko mausūm kareñ qātil se
aur qātil ko zamāne kā masīhā likkheñ

raat majlis meñ tire husn ke sho.ale ke huzūr
sham.a ke muñh pe jo dekhā to kahīñ nuur na thā

jāñ-kanī husn-parastoñ ko girāñ kyā guzre
bhes meñ hūr-e-bahishtī ke qazā aatī hai

kare hai us pe riyāzat ki us kā husn khule
'obaid' ke liye misl-e-hinā rahī hai ġhazal

rakheñgī yaad husn kī ra.anā.iyāñ mujhe
vo gulistāñ meñ rañg nayā chhoḌ jā.ūñgā

maiñ husn kā ek pujārī huuñ hai shā.irī husn kī ik devī
jo fikr-e-suḳhan bhī hotī hai ham-rañg-e-ibādat hotī hai

guftugū hai kanā.iyoñ meñ husn
sab ajam ek saath baiThe haiñ

har jumbish-e-nigāh meñ sad-kaif be-ḳhudī
bhartī phiregī husn kī niyyat kahāñ kahāñ

apnī sūrat ko ai shahansha-e-husn
'ishq' ke dekh dil ke darpan meñ

hairāñ haiñ nigāheñ dil be-ḳhud mahjūb hai husn-e-be-parvā
ab arz-e-tamannā kis se ho ab arz-e-tamannā kaun kare

kyā husn hai yūsuf bhī ḳharīdār hai terā
kahte haiñ jise misr vo bāzār hai terā

larzāñ haiñ do-jahāñ qayāmat bapā na ho
apne shu.ūr-e-husn ko añgḌā.iyāñ na do

ishq kā ab martaba pahuñchā muqābil husn ke
ban ga.e but ham bhī āḳhir us sanam kī yaad meñ

husn bhī husn hai mohtāj-e-nazar hai jab tak
sho.ala-e-ishq charāġh-e-tah-e-dāmāñ hī sahī

hāsil-e-ishq tirā husn-e-pashemāñ hī sahī
merī hasrat tirī sūrat se numāyāñ hī sahī