Tags-Husn

izzat-e-nafs kā hai ye taqāzā husn-e-sulūk kareñ donoñ
us ko ham labbaik kaheñge rasm-e-vafā nibhā.e to

yūsuf-e-husn kā husn aap ḳharīdār rahā
pahle bazār-e-azal misr kā bāzār rahā

patthar na paḌeñ gar sar-e-bāzār to kahnā
tū motarif-e-husn-e-sanam hai to mujhe kyā

fitna-zā husn huā ishq huā shor-e-fagan
ram huā shauq-fazā shauq tamannā.ī thā

husn be-vāsta-e-zauq-e-ḳhud-ārā.ī thā
ishq be-vāhima-e-lazzat-e-rusvā.ī thā

husn kī bevafā.iyāñ tauba
ishq kī sar-girāniyāñ tauba

tū apne husn-o-nāz ke ġhurūr meñ hī jal bujhī
vo luuT legā bazm apnī ḳhush-kalāmiyoñ ke saath

agar sharmā rahā hai mehr-e-tābāñ husn-e-jānāñ se
shafaq bhī to ḳhajil hai surḳhi-e-ḳhūn-e-shahīdāñ se

tumhāre husn kī tashbīb hī kahī hai abhī
charāġh jalne lage phuul mushk-bū hue haiñ

jo husn-e-manzar hai canvas par vo rañgrezī nahīñ barash kī to aur kyā hai
ab is se aage koī nazar jis jahān-e-ma.anī ko DhūñDhtī hai vo shā.irī hai

thī siyāhiyoñ kā maskan mirī zindagī kī vaadī
tire husn ke tasadduq mujhe raushnī dikhā dī

jab se ma.anī-bañdī kā charchā huā ai 'mus.hafī'
ḳhalte meñ jaatā rahā husn-e-zabān-e-reḳhta

āñkheñ ḳhudā ne dī haiñ to dekheñge husn-e-yār
kab tak naqāb ruḳh se uThā.ī na jā.egī

ai husn tujhe itnā kyuuñ nāz-e-javānī hai
ye gul-badanī terī ik raat kī raanī hai

kyūñkar shikār-e-husn na kheleñ yahāñ ke log
pariyoñ ko phāñs lete haiñ hindostāñ ke log

husn ziyāda aan mo.assir naaz kī shoḳhī ho vo chand
aise kitne harf likheñ aur naa.e ko ashmām kareñ

sar kiyā zulf kī shab ko to sahar tak pahuñche
varna ham log kahāñ husn-e-nazar tak pahuñche

huzūr-e-husn jo rahnā hai yuuñ hī ḳhush-auqāt
sitāra o jigar-e-soḳhta kā naam na lo

us ke faroġh-e-husn se jhamke hai sab meñ nuur
sham-e-haram ho yā ho diyā somnāt kā

husn hī kā vo ilāqa thā jahāñ sab kuchh milā
ishq kī apnī alag koī zamīñ-dārī na thī