Tags-Husn

ik bosa māñgtā huuñ maiñ ḳhairāt-e-husn kī
do maal kī zakāt ki daulat ziyāda ho

ishq pe kaisā dukh paḌā husn pe kyā guzar ga.ī
aaj galī udaas hai aaj vo baam par nahīñ

ramz-gar bhī gayā ramz-dāñ bhī gayā
husn ke saath husn-e-bayāñ bhī gayā

masjid vahshat meñ paḌhtā hai tarāvīh-e-junūñ
mus.haf husn-e-parī-ruḳhsār jis kuuñ yaad hai

aalam meñ husn-o-ishq kā afsāna rah gayā
yūsuf hī rah ga.e na ḳharīdār hī rahā

ham ko ronā hai to ro leñge kahīñ bhī jā kar
husn kī bazm-e-tilismāt zarūrī to nahīñ

paḌhiye durūd husn-e-sabīh-o-malīh par
jalva har ek par hai mohammad ke nuur kā

mizāj-e-husn to ik haal par rahā qaa.em
luTāne vāloñ ne sab kuchh luTā ke dekh liyā

qulzum-e-fikr meñ hai kashtī-e-īmāñ sālim
nā-ḳhudā husn hai aur ishq hai lañgar apnā

terā hī husn jag meñ har-chand maujzan hai
tis par bhī tishna-kām-e-dīdār haiñ to ham haiñ

maqsūd hai qadr-o-qīmat bhī zebā.ish-e-husn-e-ḳhūbāñ kī
har ḳhuun ke aañsū ko lekin ab la.al-e-badaḳhshāñ kaun kare

mire dil meñ hai shola-e-husn raqsāñ
maiñ chāhūñ to har zarre ko tuur kar duuñ

ye be-rañgiyāñ kab tak ai husn-e-rañgīñ
idhar aa tujhe ishq meñ chuur kar duuñ

mirī chashm-e-husn hī meñ tire ruḳh kī tābisheñ haiñ
mire halqa-e-nazar meñ tirī zulf-e-mushk-bū hai

ġhusse se aag ho ke hue tar pasīne meñ
itr-e-bahār husn kī apne kashīd kī

kho chukā āñkheñ magar ai barq-e-husn
dil rahegā aur rahegā muntazir

husn aur nāzukī
rañg aur parvāz kī

aisī bātoñ se badaltī hai kahīñ fitrat-e-husn
jaan bhī de de agar koī to kyā hotā hai

ishq se tauba bhī hai husn se shikve bhī hazār
kahiye to hazrat-e-dil aap kā manshā kyā hai

ālam-e-ishq meñ kaheñ kyā ham
jalva-e-husn jā-ba-jā dekhā