Tags-Ibaadat

kyā zauq-e-ibādat ho un ko jo bas ke laboñ ke shaidā haiñ
halvā-e-bahishtī ek taraf hotel kī miThā.ī ek taraf

ayādat hotī jaatī hai ibādat hotī jaatī hai
mire marne kī dekho sab ko aadat hotī jaatī hai

sajde meñ jā ke māñgnā be-kār ne.amateñ
kuchh bhī kaho use ye ibādat nahīñ rahī

samajh meñ aa.eñ kyā bārīkiyāñ qānūn-e-qudrat kī
ibādat kasrat-e-ma.anī se mub.ham hotī jaatī hai

tū devtā hai sirf ibādat se kaam rakh
aadam ke har gunāh ko aadam pe chhoḌ de

chhoḌ kar ghar ko kahīñ jaane se ghar meñ rahne kī ibādat thī baḌī
jhuuT mash.hūr huā raajā kā sach kī sansār meñ shohrat na huī

yuuñ to kartī nahīñ ibādat maiñ
jāntī huuñ magar ḳhudā kyā hai

ek īmān hai bisāt apnī
na ibādat na kuchh riyāzat hai

mohabbat hai 'rasā' merī ibādat
ye merā dil mirā dast-e-duā hai

ibādat ḳhudā kī ba-ummīd-e-hūr
magar tujh ko zāhid hayā kuchh nahīñ

dekhā hai mohabbat ko ibādat kī nazar se
nafrat ke avāmil hameñ ma.ayūb rahe haiñ

duā terī tire mantar bhalā maqbūl kyā hoñge
badī dil meñ liye sū-e-ibādat-ḳhāna aatā hai

muddat guzrī ek ibādat meñ fariyād guzārī thī
maiñ apnī hī zaat ke ghar meñ nā-jā.ez qabzoñ meñ huuñ

koī batā.e
kitnī ibādat-gāheñ

namāz-e-ishq jo shāmil nahīñ ibādat meñ
fareb-e-kufr sarāsar hai bandagī kyā hai

terī pahchān ke lākhoñ andāz
sar jhukānā hī ibādat to nahīñ

ibādat ke liye tat.hīr-e-dil kī bhī zarūrat hai
vazū ke baad phir ashk-e-nadāmat se vazū karnā

bhulā kar bas zarā sī der sajdoñ kī ibādat ko
ye socho kyuuñ duāoñ meñ asar ab tak nahīñ aayā

ibādat hazrat-e-zāhid karūñ maiñ
magar ai qibla-e-hājāt kitnī

ye mai-kada hai jaa.e ibādat hai riñd kī
duniyā kā har fareb yahāñ be asar rahā