Tags-Ibaadat

aaj samjhā ga.ī kyā tujh ko ibādat terī
na rahā mashġhala-e-ashk-fishānī vaa.iz

apnā farz nibhānā ek ibādat hai
'ālam' ham ne sīkhā ik jāpānī se

hai ibādat ke liye shart aqīdat 'dānā'
bandagī ke liye sajda nahīñ māñgā jaatā

terī pahchān ke lākhoñ andāz
sar jhukānā hī ibādat to nahīñ

dete haiñ ujāle mire sajdoñ kī gavāhī
maiñ chhup ke añdhere meñ ibādat nahīñ kartā

sunā rahā huuñ baḌī sādgī se pyaar ke giit
magar yahāñ to ibādat bhī kārobārī hai

kabhī din Dhale pe ho sāmnā kabhī diid āḳhir-e-shab meñ hai
hai yahī ma.āl-e-talab mirā tū mirī ibādat-e-rab meñ hai

kabhī allāh-miyāñ pūchheñge tab un ko batā.eñge
kisī ko kyuuñ batā.eñ ham ibādat kyuuñ nahīñ karte

ashk agar sab ne likhe maiñ ne sitāre likkhe
ājizī sab ne likhī maiñ ne ibādat likkhā

bole hasan ki vaah hameñ aur kareñ na pyaar
iqrār ke chuke haiñ shahanshāh-e-nām-dār

merī terī dūriyāñ haiñ ab ibādat ke ḳhilāf
har taraf hai fauj-ārā.ī mohabbat ke ḳhilāf

saarī raat ibādat to hai mushkil 'azmī'
haañ raste se sañg haTāyā jā saktā hai

mo.atakif ho shaiḳh apne dil meñ masjid se nikal
sāhib-e-dil kī baġhal meñ dil ibādat-ḳhāna hai

be-zarūrat bhī kar liyā sajda
ye ibādat baḌī ibādat hai

maiñ bichhātā huuñ musallā sar-e-mehrāb-e-niyāz
phir ibādat mujhe pātāl meñ le jaatī hai

sar phoḌne vaale raheñ vallāh salāmat
kuchh din meñ ibādat ko bhī patthar na milegā

farz barsoñ kī ibādat kā adā ho jaise
but ko yuuñ puuj rahe haiñ ki ḳhudā ho jaise

jaise ujḌī huī bastī meñ ibādat kā samāñ
sūkhtī shāḳh pe baiThe hue taa.ir kyā haiñ

ek īmān hai bisāt apnī
na ibādat na kuchh riyāzat hai

saudā-garī nahīñ ye ibādat ḳhudā kī hai
ai be-ḳhabar jazā kī tamannā bhī chhoḌ de