Tags-Imprisonment

maiñ hī apnī qaid meñ thā aur maiñ hī ek din
kar ke apne aap ko āzād le jaane lagā

in parindoñ ko pakaḌ kar qaid karnā be-sabab
soñchtā huuñ zindagī bhar jaal rah kar kyā milā

sadā.eñ qaid karūñ āhaTeñ churā le jā.ūñ
mahakte jism kī sab ḳhushbueñ uḌā le jā.ūñ

dā.era qaid kī alāmat hai
chāhe añgūThī pahno sone kī

maiñ ek shart pe raazī huuñ qaid hone ko
isī qafas meñ mirā āsmān band karo

koī qātil maiñ rahī 'mehr' se kitnī hī shahīd maiñ huuñ aur qaid-e-shadīd
ham-safīrān-e-chaman rā ki rasānd ḳhabre az man-e-nauha-gare

qaid-e-dil se hai mirī kākul-e-pechāñ nāzāñ
aur mire qatl se hai ḳhanjar-e-mizhgāñ nāzāñ

kisī tarah nahīñ kaTtī nahīñ guzar chuktī
ilāhī saḳht ye qaid-e-hayāt kitnī hai

ḳhushbū kī tarah lafz the ma.anī ba-qaid-e-rañg
ye marhale bhī aa.e haiñ arz-e-hunar ke biich

'kāvish' anā kī qaid ke dīvār-o-dar girne ko haiñ
ik ālam-e-asġhar meñ hai ik ālam-e-akbar mirā

qaid-e-qafas meñ ab 'nāzir'
ruuh bahut ghabrātī hai

hijr kī shab meñ qaid kare yā sub.h-e-visāl meñ rakkhe
achchhā maulā terī marzī to jis haal meñ rakkhe

kal yuuñ thā ki ye qaid-e-zamānī se the bezār
fursat jinheñ ab sair-e-makānī se nahīñ hai

majbūr tajassus ne kiyā hai hameñ varna
is qaid kī dīvār ke bāhar nahīñ kuchh bhī

lagtā hai ki is dil meñ koī qaid hai 'ashfāq'
rone kī sadā aatī hai yādoñ ke khañDar se

qaid jab ham pe lagī vus.at-e-dāmāñ ke liye
kitnī kasrat se khile phuul gulistāñ ke liye

tamām rasm uThā lī ga.ī mohabbat meñ
diloñ ke biich magar qaid-o-band kitnā hai

dīvār-e-abr khīñchiye kirnoñ kī raah meñ
zarroñ meñ qaid kījiye sūraj kī raushnī

mehrbāñ koī sharīk-e-qaid-e-tanhā.ī na thā
apne zaanū par hī apnā sar nazar aayā mujhe

achchhā ye karam ham pe to sayyād kare hai
par noch ke ab qaid se āzād kare hai