Collections

Lab Shayari

Motivational Ghazals

Best Khamoshi Shayari

More Collections

Tags-Imprisonment

tum ne qānūn meñ tarmīm kī zahmat kyuuñ kī
ham ne ḳhud qaid kī mī.ād baḌhā lī hotī

humne maiKHane ki taqdis bacha li hoti

bas ek aan meñ khultā hai qufl dariyā kā
bas ek aan meñ qaid-e-hubāb TūTtī hai

yunhi fareb-e-nazar ki tanab TuTti hai

aks paanī meñ agar qaid kiyā jā saktā
ain-mumkin thā maiñ us shaḳhs ko apnā saktā

aks pani mein agar qaid kiya ja sakta

āshob-e-zāt se nikal aayā thā ik jahāñ
ham qaid apnī qāfiya-paimā.iyoñ meñ the

masruf hum bhi anjuman-araiyon mein the

merī duniyā tirī zaat meñ qaid hai
mujh ko ḳhairāt meñ de na āzādiyāñ

har qadam hadse har nafs talKHiyan

maiñ tere ghar yuuñ hī be-qaid aatā jaatā rahūñ
tirī nazar meñ mirā e.atibār zinda rahe

ye bagh zinda rahe ye bahaar zinda rahe

ghar dil meñ kar chukā hai mirā nauha-e-qafas
sayyād qaid hogā agar maiñ rihā huā

parda raha ki jalwa-e-wahdat-numa hua

mujh ko kaafī thī qaid-e-halqa-e-zulf
beḌiyāñ kyuuñ banā.īñ aahan se

gai fasl-e-bahaar gulshan se

ye jabr-e-mashiyat hai kī tanhā.ī kī aadat
maiñ qaid huuñ dīvār meñ dar hote hue bhī

sahra mein kaDi dhup ka Dar hote hue bhi

āvāz kī mahak na kabhī qaid ho sakī
pahre lage hazār guloñ kī zabān par

hairan sara shahr tha jis ki uDan par

kaun merī āñkhoñ ke band toḌ detā hai
dil ke qaid-ḳhāne meñ qaid hai qayāmat kyā

chhup ke milne aa jae raushni ki jurat kya

ye nā-mumkin hai phir bhī lagtā hai jaise
qaid meñ vaqt se pahle hī par ug aate haiñ

kis manzar mein kaise manzar ug aate hain

ai junūñ tū hī chhuḌā.e to chhuTūñ is qaid se
tauq-e-gardan ban ga.ī hai merī dānā.ī mujhe

ai junun tu hi chhuDae to chhuTun is qaid se

tum ne zulfoñ meñ kiyā qaid mirī nīñdoñ ko
kyā rihā kar ke ināyat bhī nahīñ kar sakte

apni KHushiyon pe to farhat bhi nahin kar sakte

ziist ik aur bhī hai qaid-e-rag-e-jāñ se alag
sub.h-e-tābāñ se judā shām-e-ġharībāñ se alag

taur apna hai alag in se alag aan se alag

āḳhir to ḳhatm hoñgī kahīñ qaid kī hadeñ
yūsuf ko aap raunaq-e-zindāñ banā.iye

dil ko halak-e-jalwa-e-jaanan banaiye

muztarib kyuuñ na hoñ armāñ dil meñ
qaid mehmān huā jaatā hai

dil pareshan hua jata hai

na jaane qaid meñ huuñ yā hifāzat meñ kisī kī
khiñchī hai har taraf ik chaar dīvārī sī koī

jhalakti hai meri aankhon mein bedari si koi

zarā jo talḳh ho lahja to koī baat bane
ġharīb-e-shahr magar qaid-e-iltimās meñ hai

nazar na aae to kya wo mere qayas mein hai

ek saaya huuñ maiñ hālāt kī dīvār meñ qaid
koī sūraj kī kiran aa ke nikāle mujh ko

phunk denge mere andar ke ujale mujhko