Tags-Inquilab

vo parde se nikal kar sāmne jab be-hijāb aayā
jahān-e-ishq meñ yak-bārgī ik inqalāb aayā

bahār-e-mashriq-e-dil inqalāb-e-mausam-e-ġham
kisī kā ek tabassum kisī kī ek nigāh

hamārā inqalāb aa.egā jab to kaam aa.egā
abhī apnī tamannā kā ujālā ham na becheñge

na.e gul khile na.e dil bane na.e naqsh kitne ubhar ga.e
vo payambarān-e-sad inqilāb jidhar jidhar se guzar ga.e

inqilāb aate haiñ rahte haiñ jahāñ meñ lekin
jo banāne kā na ho ahl miTā.e to nahīñ

har ik ta.alluq shikast-mā.il
ravish ravish inqilāb sā kuchh

gulū-gīr ab to aisā inqalāb-e-rañg-e-ālam hai
ki naġhme nikle minqār-e-anādil se fuġhāñ ho kar

har ek chāhne vaalā banā hai ḳhusrav-e-ġham
dayār-e-ishq meñ ye inqalāb kab se huā

inqalāb-e-sub.h kī kuchh kam nahīñ ye bhī dalīl
pattharoñ ko de rahe haiñ aa.ine khul kar javāb

vahī dil hai vahī ḳhvāhish vahī tum ho vahī maiñ huuñ
mirī duniyā meñ āḳhir inqilāb-e-āsmāñ kyuuñ ho

kyā tamāshe inqalāb-e-charḳh ke kahiye 'nazīr'
dam meñ vo raunaq thī aur ek dam meñ ye be-raunaqī

tire ġham kī umr-e-darāz meñ ka.ī inqalāb hue magar
vahī tūl-e-shām-e-'firāq' hai vahī intizār-e-sahar bhī hai

sūrat pe chār-chāñd lage the janāb kī
ye bhī thā inqalāb mire dekhne ke ba.ad

badal ga.iiñ vo nigāheñ ye hādsa thā aḳhīr
phir is ke ba.ad koī inqalāb ho na sakā

inqilāb-e-daurāñ se kuchh to kahtī hī hogī
tez rail-gāḌī jab paTriyāñ badaltī hai

vo bhī merī gardish-e-taqdīr kā ik daur thā
jis ko ab tak inqilāb-e-āsmāñ samjhā thā maiñ

gul fasurda hoñ ḳhas-o-ḳhāshāk meñ bālīdgī
bāġhbāñ aisā to aayā thā na pahle inqilāb

lambā safar hai sūd-o-ziyāñ dekhte raho
tum inqalāb-e-kaun-o-makāñ dekhte raho

ye charāġh jaise lamhe kahīñ rā.egāñ na jaa.eñ
koī ḳhvāb dekh Daalo koī inqilāb laao

aḳhlāq vaz.a tarz ravish sab meñ inqalāb
ab rañg-Dhañg aur hī pīr-o-javāñ ke haiñ