Tags-Inquilab

darāḌeñ rah ga.iiñ bedāriyoñ ke naqshe par
na ham rahe na vo tum inqalāb-e-ḳhvāb ke saath

hai intizār meñ ik inqalāb āḳhir ke
zamīñ liye hue kitne taġhayyurāt kā karb

rañg-e-hastī hai inqalāb agar
rañg-e-hastī badal nahīñ saktā

aa ke duniyā meñ inqalāb koī
dil kī duniyā badal nahīñ saktā

kyā kareñ gulshan pe joban zer-e-dām aayā to kyā
kyā tavaqqo inqalāb-e-nau nizām aayā to kyā

chhuT rahī hai nabz-e-hastī aa rahā hai inqalāb
uTh rahā hai aaj farsūda aqā.ed kā suhāg

hai inqalāb ke sho.aloñ kī garmiyāñ is meñ
matā-e-lauh-o-qalam ko sambhāl kar rakhnā

inqilāb-e-sahar-o-shām ilāhī tauba
asar-e-gardish-e-ayyām ilāhī tauba

hamārī laġhzish-e-paiham ko rā.egāñ na samajh
ajab nahīñ ki yahī inqalāb le aa.e

ġhamoñ kī dhuup meñ ummīd ke bhī saa.e huuñ
tū zindagī meñ yahī inqalāb jaisā hai

kis darja dil-shikan hai gulistāñ kā inqalāb
bulbul bhī ab chaman meñ ġhazal-ḳhvāñ nahīñ rahī

isī zabāñ se vatan ke hoñToñ ne na.ara-e-inqilāb paayā
isī se añgrez hukmarānoñ ne ḳhud-sarī kā javāb paayā

log samjhe the ye inqilāb aate hī nazm-e-kohna chaman kā badal jā.egā
ye ḳhabar kis ko thī ātish-e-gul se hī tinkā tinkā nasheman kā jal jā.egā

hazār aa.e zamāne meñ inqalāb magar
mizāj husn kā badlā na ishq hī kā chalan

kuchh na ho ai inqilāb-e-āsmāñ itnā to ho
ġhair kī qismat badal jaa.e merī taqdīr se

inqalāb-e-nau meñ ye quvvat 'nushūr'
mere dast-e-nā-tavāñ se aa.ī hai

gilā na kar jo sar-e-shahr jū-e-ḳhūñ hai ravāñ
ki inqalāb jab aa.e lahū ke saath aa.e

jo merā dil na ho 'sherī' harīf un kī nigāhoñ kā
to duniyā bhar meñ barpā inqalāb-e-ām ho jaa.e

inqalāb-e-sub.h kī kuchh kam nahīñ ye bhī dalīl
pattharoñ ko de rahe haiñ aa.ine khul kar javāb

jaatī nahīñ ḳhalish alam-e-rozgār kī
ai āsmāñ huā vo tirā inqilāb kyā