Tags-Insaan

insān kī hai aulād agar vo 'mullā' ho yā aur koī
hañgām-e-javānī falsafa-e-'ḳhayām' se bachnā mushkil hai

insān ke liye is duniyā meñ dushnām se bachnā mushkil hai
taqsīr se bachnā mumkin hai ilzām se bachnā mushkil hai

huā ḳhasm-e-jāñ 'mus.hafī' vo to terā
na insāñ ko insān se bair hove

kālā-gorā ūñchā-nīchā jo bhī ho
aadmī vo hai ki jo insān hai

vo saudā zindagī kā hai ki ġham insān sahtā hai
nahīñ to hai bahut āsān is jiine se mar jaanā

sau bātoñ kī baat hai pyāre vo jo zaat meñ hotī hai
har insān kī izzat us ke apne haat meñ hotī hai

gar apne aap meñ insān baḌhtā jā rahā hai
to phir kyuuñ is qadar bohrān baḌhtā jā rahā hai

sach hai tanhā.ī meñ insān sanak jaatā hai
roz-e-raushan ko siyah-fām likhā hai us ne

ye jo ham jaisā hī insān hai insān abhī
is ko masnad pe biThā deñ to judā lagtā hai

jaane kis ḳhitta-e-aflāk se utrā 'ārif'
jo ik insān kī sūrat bhī hai insāñ bhī nahīñ

na.e insān kā jab daur-e-ḳhud-nā-āgahī badlā
rumūz-e-be-ḳhudī badle taqāzā-e-ḳhudī badlā

ḳhāmushī bhuut ban ke rahtī hai
aaj insān ke makānoñ meñ

tum bhī 'majāz' insān ho āḳhir laakh chhupāo ishq apnā
ye bhed magar khul jā.egā ye raaz magar ifshā hogā

ki ḳhud insān Dhaltā jā rahā hai

har dil jo hai betāb to har ik aañkh bharī hai
insān pe sach-much koī uftād paḌī hai

asr-e-hāzir kā jo insān nazar aatā hai
bas pareshān pareshān nazar aatā hai

zinda insān bhī jalte haiñ chitāoñ meñ jahāñ
mulk ye aisā hī shamshān nazar aatā hai

ajab insān huuñ ḳhush-fahmiyoñ ke ghar meñ rahtā huuñ
maiñ jis manzar meñ huuñ gum us ke pas-e-manzar meñ rahtā huuñ

yuuñ bhī ġham o nashāt kā qissa na ho tamām
insān Dhal ke yaas ke paikar meñ rah ga.e

koī hindū koī muslim koī īsā.ī hai
sab ne insān na banñe kī qasam khaa.ī hai