Collections

Lab Shayari

Motivational Ghazals

Best Khamoshi Shayari

More Collections

Tags-Insaan

ik na.ī duniyā kī ḳhilqat hai mirī taḳhlā.ī meñ
jo muāvin ho sake insān kī takmīl meñ

meri holi

maanā ki har ik ishrat-e-ālam hai mayassar
insān magar aaj bhī masrūr nahīñ hai

wo kaun hai duniya mein jo majbur nahin hai

maanā ki haqīqat ko samajhnā nahīñ āsāñ
insān haqīqat se magar duur nahīñ hai

wo kaun hai duniya mein jo majbur nahin hai

hotī hai avvalīñ hī mulāqāt-e-āḳhirī
insān kā ye maut se rishta bhī ḳhuub hai

har samt zindagi ka tamasha bhi KHub hai

toḌ degā ik na ik din ye tilism auhām kā
saaf dete haiñ pata tevar na.e insān ke

phir faza dhundla gai aasar hain tufan ke

nahīñ mujh se tirī be-e'tinā.ī qābil-e-hairat
ġharīb insān duniyā kī nigāhoñ meñ nahīñ bhartā

chhuTi ummid to main haal-e-dil kahne se kyun Darta

jahāñ tasavvur-e-insān thak ke hārtā hai
isī mahāz-e-abas meñ kabhī rahā huuñ maiñ

ajib shoKHi-e-duniya mein ji raha hun main

vo sub.h hogī to fir.aun phir na guzreñge
diloñ ko rauñdte insān ko masalte hue

nigar-e-subh ki ummid mein pighalte hue

vo aa rahe haiñ zamāne ki tum bhī dekhoge
ḳhudā ke haath se insān ko badalte hue

nigar-e-subh ki ummid mein pighalte hue

maiñ ik thakā huā insān aur kyā kartā
tarah tarah ke tasavvur ḳhudā se bāñdh liye

suKHan jo usne kahe the girah se bandh liye

ye musht-e-ḳhāk jo insān kī haqīqat hai
tamāshā dekh rahā huuñ maiñ is kī fitrat kā

badal ke humne tariqa KHat-o-kitabat ka

sūkhe hue pattoñ ko jo rauñdo to sadā deñ
piste hue insān ke muñh meñ to zabāñ hai

chup-chap se is dasht mein zulmat ka saman hai

tū chhoḌ gayā hai to koī ġham na kareñge
is daur meñ insān ḳhudā kā bhī nahīñ hai

mar jaane ki us dil mein tamanna bhi nahin hai

bulandī chāhiye insān kī fitrat meñ poshīda
koī ho bhes lekin shān-e-sultānī nahīñ jaatī

kisi surat numud-e-soz-e-pinhani nahin jati

ye kyā kiyā use taqdīr sauñp dī apnī
mirī tarah vo ik insān thā ḳhudā to na thā

nazar mein apni kabhi is qadar bura to na tha

sochtā huuñ ki vo insān ba-nām-e-hastī
kaise añgāroñ kī bārish meñ nahāyā hogā

mere baad aur koi mujh sa na aaya hoga

'ājiz' tirī duniyā ke ye insān ajab haiñ
insān ko bahkāte haiñ yazdān ke baare

mushkil ko zara chhoD ke aasan ke bare

ab ḳhuun ke sāgar kholeñge
insān ke jauhar kholeñge

ab KHub hansega diwana

is daur meñ insān kā chehra nahīñ miltā
kab se maiñ naqāboñ kī taheñ khol rahā huuñ

is daur mein insan ka chehra nahin milta

TimTimāte hue dekhe haiñ sitāroñ ke charāġh
kahkashāñ se abhī insān kahāñ guzrā hai

tujhko KHud apne hi sae pe guman guzra hai