Tags-Intezar

nahīñ aatā vo jo idhar zarā hamīñ intizār meñ us ke yaañ
kabhī jhāñknā kabhī tāknā kabhī be-kalī pai.e-ḳhvāb hai

takoge raah sahāroñ kī tum miyāñ kab tak
qadam uThāo ki taqdīr intizār meñ hai

abhī to nisf shab hai intizār-e-sub.h-e-nau kaisā
dil-e-bedār ham kuchh der so lete to achchhā thā

tamāshā kardanī hai lutf-e-zaḳhm-e-intizār ai dil
suvaidā dāġh-e-marham mardumuk hai chashm-e-sozan meñ

tire baġhair tere intizār se thak kar
shab-e-firāq ke māroñ ko niind aa.ī hai

parinde jab bhī baseroñ ko lauTte dekhūñ
maiñ ghar meñ baiTh ke apnā bhī intizār karūñ

ye intizār kī ghaḌiyāñ ye shab kā sannāTā
us ek shab meñ bhare haiñ hazār saal ke din

intizār ab to nahīñ hai intizār
ai dil-e-bezār dekhā jā.egā

aa.e ho kyā tumhīñ mujhe āvāz do zarā
āñkhoñ kā nuur chhīn liyā intizār ne

intizār us kā mirā tār-e-nafas
yak-ba-yak TuuT gayā ho jaise

tamannā intizār-e-dost ke ba.ad
kalī jaise koī murjhā ga.ī ho

ye kis ke vasl kī ḳhushbū hai rahguzāroñ meñ
ki log shām-o-sahar intizār karte haiñ

tū bevafā hai tirā e'tibār kaun kare
tamām umr tirā intizār kaun kare

jaane vāloñ kā intizār nahīñ
apne raste meñ aa.e baiThī huuñ

vo raat jis kā baḌā intizār thā dil ko
vo raat dard ke pahlū meñ ham guzār aa.e

na aa.e raah pe vo ijz be-shumār kiyā
shab-e-visāl bhī maiñ ne to intizār kiyā

ġhazab kiyā tire va.ade pe e'tibār kiyā
tamām raat qayāmat kā intizār kiyā

intizār ai dil-o-dīda ki hazāroñ asrār
saa.e kī tarah tah-e-jām abhī baaqī haiñ

tū bevafā hai tirā e'tibār kaun kare
tamām umr tirā intizār kaun kare