Tags-Intezar

ufuq pe nuur kā dariyā hai rañg kī kashtī
hai intizār meñ kis ke nigār-e-nik.hat-e-gul

kyuuñ kusht-e-e'tibār bhī sarsar kī zad meñ ho
kyā intizār-e-ḳhulq se fasl-e-hunar kaTe

barsoñ se ik maqām pe Thahrā huuñ maiñ 'ḳhalīl'
us ne kahā thā ā.ūñgā tū intizār kar

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

hai ḳhizāñ kī zad pe abhī talak ruḳh-e-'sumbul' dil-e-yāsmīñ
abhī intizār kā vaqt hai abhī jashn-e-gul na manā.iye

maiñ intizār karūñgī
us vaqt kā

aa.e mashriq se shahsavār bahut
kis ko thā un kā intizār bahut

ye fart-e-intizār hai yā shiddat-e-hirās
ḳhāmoshiyoñ kī chaap bhī chauñkā ga.ī mujhe

dīda-e-sarf-e-intizār hai sham.a
merī hālat kī yādgār hai sham.a

koī ishāra dilāsā na koī va.ada magar
jab aa.ī shaam tirā intizār karne lage

jo hamāre dekhne ko kabhī aap aa nikalte
vahī aañkh dar pe hotī vahī intizār hotā

shab-e-ġham meñ zindagī kā kise e'tibār hotā
mirī jaan jā chukī thī jo na intizār hotā

kisī maraz kī davā chashm-e-ashk-bār nahīñ
na intizār ke qābil na ḳhvāb ke qābil

sahar ke hote hī ruḳhsat huā marīz-e-firāq
jahāñ meñ kaam hī kyā thā ab intizār ke ba.ad

tabāh ham hue bīm-o-rajā meñ āḳhir-e-kār
kuchh intizār se pahle kuchh intizār ke ba.ad

ab tirī yaad bhī nahīñ aatī
kyoñ tirā intizār hai mujh ko

nargis hai chaman kī dīda-e-shauq
hai aap kā intizār maqsūd

maiñ agarche kar bhī chukā raqam idhar ek daftar-e-rañj-o-ġham
magar intizār hai dam-ba-dam mujhe pahle ḳhat ke javāb kā

sitam ye hai vo kabhī bhuul kar nahīñ aayā
tamām umr rahā jis kā intizār mujhe

din intizār kā to kaTā jis tarah kaTā
lekin kaso tarah na kaTī raat rah ga.ī