Tags-Ishq

bhaTak rahe the sarāb-e-nazar liye har-sū
shu.ūr-e-ishq jahāñ dil ko saath le ke gayā

muddatoñ se haiñ milī Thokareñ mujh ko jo yahāñ
ishq-bāzī meñ vafā duuñ to vafā duuñ kis ko

yaar tujh ko mirā ḳhayāl to hai
ishq meñ itnī dekh-bhāl to hai

ham ne jo bhī paayā hai ishq ke ḳhazāne se vo hai dafn siine meñ
in dukhoñ kā jān-e-jāñ pāsbāñ to maiñ bhī huuñ pāsbāñ to tum bhī ho

aadmī ḳhvār bhī hotā hai nahīñ bhī hotā
ishq āzār bhī hotā hai nahīñ bhī hotā

'afzal' aur qais ne qānūn banāyā hai ki ishq
dūsrī baar bhī hotā hai nahīñ bhī hotā

rasm-e-tāzīm-e-ishq to dekho
dard uTThā ki jī mirā baiThe

kaash ham nākām bhī kaam aa.eñ tere ishq meñ
mutlaqan nākāra haiñ duniyā-o-dīñ ke kaam se

āyat-e-husn kī jab maiñ ne tilāvat kī thī
ishq ne aa ke mire haath pe bai.at kī thī

mujh ko marne na diyā sher utāre mujh par
ishq ne bas ye mire saath ri.āyat kī thī

aalim huuñ ilm-e-ishq kā maiñ kar na ham-sarī
ai andalīb tū hai paḌī bostāñ talak

sarsoñ lagā ke paañv talak dil huā huuñ maiñ
yaañ lag hunar meñ ishq ke kāmil huā huuñ maiñ

dasht meñ tapte ġhubāroñ se tayammum kar ke
ishq kartā hai jo sajde to ġhazal hotī hai

maz.hab-e-ishq ke irfān pe hairāñ niklā
qais jab dasht ko niklā to pareshāñ niklā

qaidī-e-husn kī sarkār meñ peshī jo huī
ishq sarshār thā dīdār kā unvāñ niklā

umr-e-āshiq-o-ma.ashūq sarf-e-nāz-o-hairat hai
husn hai adā-pardāz ishq hai tamāshā.ī

ye ishq bhī ajiib hai ik aan ho gayā
insān saarī umr ko hairān ho gayā

niyāz-e-ishq ko samjhā hai kyā ai vā.iz-e-nādān
hazāroñ ban ga.e ka.abe jabīñ maiñ ne jahāñ rakh dī

afsos ki hai ishq-e-yagāna se bahut duur
yaaro tumheñ har roz jo hotā hai ka.ī baar

ishq tum ne baḌā nuqsān kiyā hai merā
maiñ to us shaḳhs se nafrat bhī nahīñ kar saktā