Tags-Ishq

phire us zulf-o-rū ke ishq meñ donoñ-jahāñ ham se
udhar kuffār phir ga.e sab idhar īmāniyāñ ham se

bar aa.eñ hasrateñ kyā kyā agar maut itnī fursat de
ki ik baar aur zinda sheva-e-ishq-e-javāñ kar luuñ

bosa māñgā to ye javāb milā
sīkhiye pahle ishq ke ādāb

ishq ke saath hī ga.e dil-o-dīñ
aa ga.ī sail bah gayā asbāb

kis tarah bahr-e-ishq se niklūñ
ye to dariyā kahīñ nahīñ pāyāb

har ek chāhne vaalā banā hai ḳhusrav-e-ġham
dayār-e-ishq meñ ye inqalāb kab se huā

zarā ishq karne se pahle samajh le
mohabbat kā kyā falsafa jāntā hai

vo masarratoñ kā hujūm kyā jo tavāf-e-ishq-o-tarab kare
vo ḳhushī jo auroñ ko de sakūñ mujhe us ḳhushī kī talāsh hai

aql akbar hai to kyā dil bhī hai shahzāda-salīm
ishq meñ kaun buzurgoñ kā kahā mānegā

maslak-e-ishq bayāñ kyā kiije
kufr īmān huā jaatā hai

kūcha-e-dost se aage hai bahut dasht-e-junūñ
ishq vāloñ ne abhī ḳhaak kahāñ chhānī hai

dayār-e-ishq khañDar aur dasht-e-dil sunsān
magar 'nadīm' kī rañgīni-e-bayāñ na ga.ī

ishq udāsī ke paiġhām to laatā rahtā hai din raat
lekin ham ko ḳhush rahne kī aadat bahut ziyāda hai

man.a kyuuñ karte ho ishq-e-but-e-shīrīñ-lab se
kyā maze kā hai ye ġham dosto ġham khāne do

kurra-e-hijr se honā hai numūdār mujhe
maiñ tire ishq kā inkār uThāne lagā huuñ

āshiq o ma.ashūq meñ sālis hai ishq
sulh kā paiġhām bāham hovegā

kufr o īmāñ do nadī haiñ ishq kiiñ
āḳhirash dono kā sañgam hovegā

pahlū meñ bādshāh ke thā jalva-gar vazīr
sardār-e-dīñ alī-e-valī ḳhalq kā amiir

is samt maraz ishq kā anjām ko pahūñchā
is samt tavajjoh kā bhī āġhāz nahīñ hai

marnā thā ki sehat maraz-e-ishq se paa.ī
ab kuchh bhī tabī.at nā-sāz nahīñ hai