Tags-Ishq

rahrav-e-rāh-e-ishq-o-mohabbat
jaan to denā lab na hilānā

ishq kī sūrat jo badle to ho āshiq bhī kuchh aur
ye jafā-o-jaur kā har vaqt ḳhvāhāñ ab bhī hai

nashsha-e-ishq kā gar zarf diyā thā mujh ko
umr kā tañg na paimāna banāyā hotā

ye barq-e-husn aur us par ye terī ḳhū-e-hijāb
ye sail-e-ishq aur is par nazar nazar kā shumār

yā husn hī is shahr meñ kāfir nahīñ hotā
yā ishq yahāñ izzat-e-sādāt meñ gum hai

husn kā har ḳhayāl raushan hai
ishq kā mudda.ā kise mālūm

khā ke ġham ḳhvān-e-ishq ke mehmān
haath ḳhūn-e-jigar se dhote haiñ

marne detā nahīñ maiñ bādiya-gardī kā rivāj
maiñ na.e ishq meñ laatā huuñ purāne kā ḳhayāl

tū ye samajh rahā hai ki majbūr-e-ishq huuñ
kuchh soch kar fareb-e-vafā khā rahā huuñ maiñ

ishq ab jāvedāñ nahīñ miltā
ye farishta yahāñ nahīñ maltā

jī meñ ho to dar par rahte haiñ varna āvāra phirte haiñ
ham ishq us se karte haiñ magar koī bā-tanḳhvāh nahīñ karte

mastūr thā hijāb-e-taqaddus meñ soz-e-ishq
āvāza-e-ḳhirām-e-tamannā na thā kabhī

to ye na justujū hai na zauq-e-junūn-e-ishq
vīrān aisā shahr-e-tamannā na thā kabhī

dil gayā be-qarāriyāñ na ga.iiñ
ishq kī ḳhām-kāriyāñ na ga.iiñ

ḳhair ho yārab ke husn-o-ishq kā āġhāz hai
is taraf dil hai udhar susarī nigāh-e-nāz hai

ishq meñ paidā nahīñ hotā hai sasūrā inqalāb
husn de jaatā hai dhoka husn dhoka-bāz hai

vo 'sārā'-ahmadī kī daf-navāzī
aur vo ishq-e-maulvī

ishq meñ tere jān-e-zār haif hai muft meñ chalī
tū ne par o sitam-shi.ār ab bhī mirī ḳhabar na lī

aa gayā ishq kā mafhūm samajh meñ us kī
us ke ḳhvāboñ meñ kisī roz jo dāḳhil huā maiñ

ishq abhī se tanhā tanhā
hijr kī bhī aa.ī nahīñ naubat