Tags-Ishq

intihā-e-ishq hai kaisī jafā kaisā gila
ab to un kī har ḳhushī apnī ḳhushī hone lagī

soz-e-dil se raushnī hone lagī dil meñ 'nazīr'
ishq kī duniyā bhī duniyā husn kī hone lagī

dāman-e-dil pe nahīñ bārish-e-ilhām abhī
ishq nā-puḳhta abhī jazb-e-darūñ ḳhaam abhī

rañgīnī-e-ishq is ke mile par huī ma.alūm
sohbat na huī thī kisī ḳhuñḳhār se ab tak

subūt-e-ishq kī ye bhī to ek sūrat hai
ki jis se pyaar kareñ us pe tohmateñ bhī dhareñ

do laakh fareb-e-hazrat-e-ishq
banda na kahegā but ḳhudā hai

sar-e-kūcha-e-ishq aa pahuñche ho lekin zarā dhyān rahe ki yahāñ
koī nekī kaam nahīñ aatī koī duā qubūl nahīñ hotī

har rañg-e-junūñ bharne vaalo shab-bedārī karne vaalo
hai ishq vo mazdūrī jis meñ mehnat bhī vasūl nahīñ hotī

ishq kī apnī zabāñ hotī hai
jo nigāhoñ se bayāñ hotī hai

ḳhūn-e-dil hotā rahā ḳhūn-e-jigar hotā rahā
ye tamāshā ishq meñ shām-o-sahar hotā rahā

zaḳhm ko apne phuul samajhnā motī kahnā ashkoñ ko
ishq kā kārobār sajānā ham ko achchhā lagtā thā

ba-josh-e-ishq laTke hai nahīñ mujh ko tamīz itnī
ba-mizhgāñ laḳht-e-dil yā dur hai yā marjān hai kyā hai

ishq kā hai ġhubār-e-nāla uruuj
āsmāñ auj-e-taḳht-e-shāhī hai

na dam le ai sarishk-e-ġham tujhe qasam hai ishq kī
falak ko chhoḌtā hai kyuuñ agar mujhe Dubo chukā

rahe vo dil meñ muddatoñ magar sambhal sakā na maiñ
mizāj-e-husn-o-ishq ko bahut dinoñ samo chukā

nikal ke rāh-e-ishq se kisī taraf chalūñ to kyā
kahāñ se lā.ūñ jaan o dil ye de chukā vo kho chukā

sar-faroshān-e-vafā ko bhī na chhoḌā ishq ne
marhale saarī ḳhatā ke mehrbāñ tak aa ga.e

dil to rotā rahe or aañkh se aañsū na bahe
ishq kī aisī rivāyāt ne dil toḌ diyā

jahāñ chāho merā naam likho, jo chāho tum ilzām likho
mujhe ishq ne barsoñ qaid rakhā mujhe, hijr kī gahrī shaam likho

ye ishq-e-musalsal sāvan hai, man aag, to jism ik īñdhan hai
bas maut hai kab, ye jīvan hai? use zahar-bharā ik jaam likho