Tags-Ishq

ab ishq hai rusvā to bigaḌtā hai tirā kyā
be-kār meñ kartā hai tū paikār-e-mohabbat

na rumūz-e-ishq se bā-ḳhabar na mizāj-e-husn se āgahī
ye mazāq-e-rāmish-o-rañg bhī rah-e-rāstī se farār hai

sar-rishta rah-e-ishq kā ab haath lagā hai
juuñ dāna-e-tasbīh na Thahreñge kahīñ ham

kho baiThe haiñ us ishq ke hāthoñ se 'nasīr' ab
hosh-o-ḳhirad o sabr-o-qarār o dil-o-dīñ ham

us ke dil par bhī kaḌī ishq meñ guzrī hogī
naam jis ne bhī mohabbat kā sazā rakkhā hai

sar jo gardan par nahīñ to kyā hathelī par sahī
manzil-e-ishq-o-junūñ se yūñhī guzrā jaa.e hai

rah-ravān-e-safar-e-bādiya-e-ishq ai vaa.e
qāfile raah meñ luTvā ke chale aate haiñ

log kahte haiñ ki is khel meñ sar jaate haiñ
ishq meñ itnā ḳhasāra hai to ghar jaate haiñ

na koī jahāñ se guzar sake ye vahāñ vahāñ se guzar gayā
tire ishq meñ dil-e-mubtalā har ik imtihāñ se guzar gayā

tire ishq-e-sīna-figār kā ye shu.ūr qābil-e-dād hai
vahī tiir dil se lagā liyā jo tirī kamāñ se guzar gayā

jo rañg-e-ishq se fāriġh ho us ko dil nahīñ kahte
jo maujoñ se na Takrā.e use sāhil nahīñ kahte

ek to duniyā kā kārobār hai
ishq kā us par alag āzār hai

ishq meñ iztirāb rahtā hai
jī nihāyat ḳharāb rahtā hai

magar maiñ ishq meñ parhez se bañdhā huā huuñ
tirā vajūd to ḳhush-zā.eqa banā huā hai

ishq vo shai hai ki charke bhī maza dete haiñ
varna qātil haiñ hasīñ kyā mujhe ma.alūm na thā

ishq-ābād ke naake hī se ruḳhsat hue hosh
hai ye dīvānoñ kī duniyā mujhe ma.alūm na thā

avval siiñ dil mirā jo giraftār thā so hai
mere gale meñ ishq kā zunnār thā so hai

mat buujh soz-e-ishq siiñ fāriġh sirāj kuuñ
parvāna-vār jaan siiñ balhār thā so hai

vasl hai un kī adā hijr hai un kā andāz
kaun sā rañg bharūñ ishq ke afsānoñ meñ

ho gayā ishq aap se jānam
jab kahā pūchhne lage kab se