Tags-Ishq

phir vahī ham haiñ ḳhayāl-e-ruḳh-e-zebā hai vahī
sar-e-shorīda vahī ishq kā saudā hai vahī

dāna-o-dām sambhālā mire sayyād ne phir
apnī gardan hai vahī ishq kā phandā hai vahī

phir chamak uTThī vo kajlā.ī huī chiñgārī
raḳht-e-hastī hai vahī ishq kā sho.ala hai vahī

ai ishq mire dosh pe tū bojh rakh apnā
har sar mutahammil nahīñ is bār-e-girāñ kā

manzil-e-ishq bhī ham ko hī milī hai 'āsif'
dasht-o-sahrā meñ agar ḳhvār hue haiñ ham log

ishq kab apne maqāsid kā nigahbāñ na huā
kaun sā ġham hai jo āḳhir ġham-e-jānāñ na huā

manzil safar-e-ishq kī zinhār na TuuTe
jab tak kamar-e-qāfila-e-sālār na TuuTe

use fasl fasl bhī sīñch kar milā saaya aur na milā samar
ye ajiib ishq kā peḌ hai ye ajiib shāḳh-e-nihāl hai

tere chehre pe jo raunaq hai mire ishq se hai
sirf ġhāza se nahīñ nuur ye aane vaalā

ishq jab tak na ās-pās rahā
husn tanhā rahā udaas rahā

ishq ko ajnabī samajh ke milā
husn kitnā adā-shanās rahā

ishq hai sarsabz vīrāna 'hinā'
dil na maane dil ko samjhānā 'hinā'

hosh meñ rahnā bhī karnā ishq bhī
kār-e-duniyā se bhī ghabrānā 'hinā'

bhalā arz-e-ġham se guzar ke bhī kabhī tum se koī gila kiyā
ye junūn-e-ishq ke tazkire to mirī vafā ke sile na the

mushkil thā kuchh to ishq kī baazī ko jītnā
kuchh jītne ke ḳhauf se haare chale ga.e

ishq ke daur meñ kuchh aise bhī pahlū aa.e
hañsnā chāhā to mirī āñkhoñ meñ aañsū aa.e

'saudā' qimār-e-ishq meñ shīrīñ se kohkan
baazī agarche pā na sakā sar to kho sakā

kis muñh se phir tū aap ko kahtā hai ishq-bāz
ai rū-siyāh tujh se to ye bhī na ho sakā

kor ho jā.ūñ magar ishq meñ rone ko na rok
nāsehā dil se ziyāda nahīñ pyārī āñkheñ

thī ishq-o-āshiqī ke liye shart zindagī
marne ke vāste mujhe jiinā zarūr thā