Tags-Ishq

haman haiñ ishq mastāna haman ko hoshiyārī kyā
raheñ āzād yā jag se haman duniyā se yaarī kyā

'kabīrā' ishq kā maatā duī ko duur kar dil se
jo chalnā raah nāzuk hai haman sar bojh bhārī kyā

ishrat-e-ḳhuld ke liye zāhid-e-kaj-nazar jhuke
mashrab-e-ishq meñ to ye jurm hai bandagī nahīñ

ashk-e-ravāñ kī āb-o-tāb kar na avaam meñ ḳharāb
azmat-e-ishq ko samajh girya-e-ġham hañsī nahīñ

zaḳhm pe zaḳhm khā ke jī apne lahū ke ghūñT pī
aah na kar laboñ ko sī ishq hai dil-lagī nahīñ

muzhda ki nā-murād-e-ishq terī ġhazal kā hai vo rañg
vo bhī pukār uThe ki ye sehr hai shā.irī nahīñ

is laḌke ne kis se ishq kiyā hogā
logoñ ne dekhā ham ko hairānī se

dil meñ kasak aur lab par aaheñ aañkh meñ aañsū sar meñ saudā
husn kī duniyā ḳhandāñ ḳhandāñ ishq hai giryāñ apne vatan meñ

murādeñ ishq meñ sab ko mileñ magar mujh ko
nasīb dard-e-jigar ke sivā kuchh aur nahīñ

hayāt-e-ishq kī rūdād kyā kahūñ ai 'saif'
azāb-e-shām-o-sahar ke sivā kuchh aur nahīñ

abhī to husn ke pairoñ pe hai jabr-e-hinā-bandī
abhī hai ishq par ā.īn-e-farsūda kī pābandī

aarzū lutf talab ishq sarāsar nākām
mubtalā zindagi-e-dil inhīñ auhām meñ hai

batā.eñ kyā amal ishq-e-haqīqī kā kahāñ tak hai
zamīñ kyā āsmāñ tak hai makāñ kyā lā-makāñ tak hai

hai shaiḳh-o-barahman ke diin kī had dair-o-ka.aba tak
savād-e-dīn-e-ishq-e-be-ġharaz kaun-o-makāñ tak hai

jo haiñ mast-e-alast un ko ḳhumār-o-sukr kā Dar kyā
nigāh-e-tishna-kām-e-ishq hī dast-e-muġhāñ tak hai

hasīr-e-ishq ko kab daḳhl is mahfil meñ hai 'kaifī'
bisāt us kī faqat bain-o-bukā āh-o-fuġhāñ tak hai

ishq bhī karnā hai ham ko aur zinda bhī rahnā hai
ishq meñ marne vāloñ se sharminda bhī rahnā hai

ishq hai us zulf kā sartāj aaj
hai rasūl-e-husn kī me.arāj aaj

ishq sāhib ne dil pe dastak dī
aa.i.e murshidī o maulā.ī

ek hī ḳhat meñ hai kyā haal jo mazkūr nahīñ
dil to dil ishq meñ saada varaq-e-tūr nahīñ