Tags-Ishq

ye kyā kahā ki ġham-e-ishq nāgavār huā
mujhe tū jur.a-e-talḳh aur sāzgār huā

adā-e-ishq kī tasvīr khiñch ga.ī puurī
vufūr-e-josh se yuuñ husn be-qarār huā

gar pyaar kī ātish meñ sulagne meñ mazā hai
phir ishq meñ tum ḳhud ko jalā kyuuñ nahīñ lete

husn vo chāhiye jo ishq kā ā.īna bane
ya.anī apne liye apnī hī tamannā hai mujhe

hogā asar jo dil meñ to ḳhud jaan leñge vo
'mushtāq' ham se ishq jatāyā na jā.egā

'nashtar' vo ahl-e-ishq bhī haiñ kitne tañg-nazar
un kī zabān naam mirā sun ke jal paḌe

chashm-e-tar ik rah ga.ī hai yādgār-e-ahd-e-ishq
gaahe gaahe ye mirī rātoñ ko chamkā jaa.e hai

ġhurūr vaar diyā maiñ ne fī-sabīlil-ishq
ai ishq tū bhī to ab thoḌā hausla kar dekh

ḳhaak meñ mil gayā jab ruuh kā ḳhālī piñjra
mansab-e-ishq pe tab apnī bahālī huī hai

jo daaġh hai ishq-e-dil-nashīñ kā jo dil-nashīñ haiñ dil-e-hazīñ kā
vahī hai tamġha mirī jabīñ kā vahī sulaimāñ mire nagīñ kā

ishq kā rāsta āsān nahīñ hotā hai
bāzī-e-ishq meñ jaan apnī luTā kar chaliye

luTāo jaan to bantī hai baat kis ne kahā
ye bazm-e-ishq meñ rāz-e-hayāt kis ne kahā

ishq kā jazb huā bā.is-e-saudā varna
yūsuf-e-misr zuleḳhā kā ḳharīdār na thā

ye havas hī hai hameñ jis ne nachā rakkhā hai
ishq to duur se pahchān liyā jaatā hai

ham ishq sivā kam haiñ kisī naam se vāqif
na kufr ke mahram haiñ na islām se vāqif

bad-nām na kar ishq ko jā kaam kar apnā
hai ahl-e-havas tū nahīñ is kaam se vāqif

saffāk sarāb se ziyāda
hai ishq azaab se ziyāda

zakāt-e-ishq agar bāñTne pe aa jā.ūñ
to ik hujūm-e-talab mujh pe aan TūTtā hai

maz.hab-e-ishq-o-vafā mujh ko ye detā hai salāh
tū jo kāfir nahīñ hotā to musalmāñ bhī na ho

kahāñ dil aur fusūn-e-ishq kī ghāteñ kahāñ yā rab
na paḌtā thā balāoñ meñ abhī kam-baḳht anīlā thā