Tags-Ishq

gil uThā zanjīr se pariyoñ kā dīvāna hai ye
ishq meñ badnām maiñ ḳhāna-ba-ḳhāna ho chukā

āshiq sā to saada koī aur na hogā duniyā meñ
jī ke ziyāñ ko ishq meñ us ke apnā vaarā jaane hai

kyā kyā fitne sar par us ke laatā hai māshūq apnā
jis be-dil be-tāb-o-tavāñ ko ishq kā maarā jaane hai

ishq kī ātish kahāñ bārūd ke sho.ale haiñ raqsāñ
ab kahāñ vo zulf aur vo dāstāñ dār-o-rasan kī

ātish-e-furqat se maiñ shab ko ujālā māñgtā huuñ
ishq meñ hotī nahīñ hai had koī dīvāne-pan kī

us ke dil par bhī kaḌī ishq meñ guzrī hogī
naam jis ne bhī mohabbat kā sazā rakkhā hai

zabān-e-ishq shikāyat se laal hai varna
ham ik gila ke tire sau javāb rakhte haiñ

tabīb-e-ishq ne dekhā mujhe to farmāyā
tirā maraz hai faqat aarzū kī be-nīshī

ham mast-e-ishq vaa.iz be-hech bhī nahīñ haiñ
ġhāfil jo be-ḳhabar haiñ kuchh un ko bhī ḳhabar hai

dil-e-bīmār rahe ishq meñ kyuuñ kar sarsabz
ḳhaak se daane ko hai nashv-o-numā tīsre din

dīvāna-pan aur bekārī miltī hai
ishq meñ aksar aisī ḳhvārī miltī hai

hai ishq uu ḳhudā kā gar ishq hai javāñ meñ
hai husn uu usī kā gar husn hai mahan meñ

is darja ishq maujib-e-rusvā.ī ban gayā
maiñ āp-apne ghar kā tamāshā.ī ban gayā

samajh na tū us ko be-navā.ī ye do-jahāñ kī hai bādshā.ī
ki daulat-e-ishq haath aa.ī matā-e-duniyā-o-dīñ luTā kar

dil meñ Thānī hai bhulā deñ tumheñ dhīre dhīre
aur is ishq meñ barbād nahīñ hone ke

ham aaj tak chhupāte haiñ yāroñ se rāz-e-ishq
hālāñki dushmanoñ se ye qissa nihāñ nahīñ

kyā pās-e-ishq hai ki muue par bhī rāz-e-ishq
sar-basta vuuñ hī har qalam-e-ustuḳhvāñ meñ thā

maulā terī ḳhalq ke sab log hī
ishq kab karte haiñ sāzish karte haiñ

hijāb-o-hayā sochte rah ga.e haiñ
milī ishq meñ kāmyābī pahal se

zāhid kī tarah ḳhushk musalmāñ nahīñ 'jalīl'
ishq-e-butāñ bhī dil meñ hai yād-e-ḳhudā bhī hai