Tags-Ishq

ishq meñ haa.e tabī.at kā vo aalam 'bismil'
ālam-e-ishq bhī jab dil pe garāñ hotā hai

tujhe ye ishq kī jānib dhakel saktā hai
samajh rahā hai to dil ko bhī dost ghaat samajh

ai ishq ab ehsās se begāna banā de
varna kahīñ ġham-e-dil ko khilaunā na banā de

ḳhud apnā faisla bhī ishq meñ kaafī nahīñ hotā
use bhī kaise kar guzreñ jo dil meñ Thaan lete haiñ

hayāt-e-ishq kā ik ik nafas jām-e-shahādat hai
vo jān-e-nāz-bardārāñ koī āsān lete haiñ

saḳht sahī hastī ke marāhil-e-ishq meñ rāhat aaj bhī hai
ai ġham-e-jānāñ ho na gurezāñ terī zarūrat aaj bhī hai

ishq kar baiThe magar ham ne ye sochā hī nahīñ
ḳhaak ho jā.eñge ham ishq ke anjām ke ba.ad

dekhe gar ġhaur se duniyā hai ġhaflat kā tilism
ye bhī ḳhvāb-e-ishq hai furqat se bedārī nahīñ

ishq kī nākāmiyoñ ne is qadar khīñchā hai tuul
mere ġham-ḳhvāroñ ko ab yārā-e-ġham-ḳhvārī nahīñ

ham haiñ chup baiThe hue lekin hai dil masrūf-e-ishq
is adīm-ul-fursatī kā naam bekārī nahīñ

sharāb-e-ishq kī azmat se jo kare inkār
vo pārsā bhī agar ho to pārsā na kaho

ho gayā ishq husn se nāgāh
pūchhte kyā ho nā-gahānī kī

taḳht kyā chiiz hai aur la.al-o-javāhar kyā haiñ
ishq vaale to ḳhudā.ī bhī luTā dete haiñ

nashsha-e-ishq meñ har chiiz uḌī jaatī hai
kaun zarra hai ki sarshār mohabbat meñ nahīñ

jab apnā kaam tere ishq meñ tadbīr se guzrā
chalī ā.ankhoñ se merī sail tab ashk-e-nadāmat kī

aa.e ham aap meñ to na pahchāne phir ga.e
us rāh-e-sa.ab ishq meñ yaaro ta.ab hai kyā

sunñe ko bhiiḌ hai sar-e-mahshar lagī huī
tohmat tumhāre ishq kī ham par lagī huī

ishq ab bhī hai vo mahram-e-be-gāna-numā
husn yuuñ laakh chhupe laakh numāyāñ ho jaa.e

ham gunahgār-e-janāb-e-ishq haiñ
abd-e-ubbādī na aurādī haiñ ham

ai azīzāñ tark-e-ishq-e-husn meñ
sañg par juuñ naqsh-e-bahzādī haiñ ham