Tags-Ishq

dayār-e-ishq meñ pahchānñe vaale nahīñ milte
ilāhī maiñ rahūñ apne vatan meñ ajnabī kab tak

surūr-e-ishq meñ gum ho ga.e the ham donoñ
havā-e-dāman-e-shab se lipaT ke dekhte kyā

jin ke dam se shabāb thā zinda
haa.e 'aḳhtar' vo ishq kī ghāteñ

vahī qadr 'fā.ez' kī jaane bahut
jise ishq kā zaḳhm kaarī lage

ajiib ek muamma hai ishq bhī 'jagdīsh'
kabhī ye jiit kabhī sirf haar jaisā hai

siikh liyā hai āḳhir ham ne ishq meñ ḳhush ḳhush rahnā
dard ko apnī davā banāte zaḳhm ko marham karte

hosh vāloñ ko ḳhabar kyā be-ḳhudī kyā chiiz hai
ishq kiije phir samajhiye zindagī kyā chiiz hai

husn ne jab Thokar khaa.ī hai
ishq ne baazū thaam liyā hai

ai 'ābrū' aval señ samajh pech ishq kā
phir zulf siiñ nikal na sake dil phañsā huā

ishq aatā na agar rāh-numā.ī ke liye
aap bhī vāqif-e-manzil nahīñ hone paate

ye maanā husn kī fitrat bahut nāzuk hai ai 'vāmiq'
mizāj-e-ishq kī lekin nazākat aur hotī hai

kab ishq kiyā kis se kiyā jhuuT hai yaaro
bas bhuul bhī jaao jo kabhī ham se sunā ho

kyā jazb-e-ishq mujh se ziyāda thā ġhair meñ
us kā habīb us se judā kyuuñ nahīñ huā

badan ne kitnī baḌhā lī hai saltanat apnī
base haiñ ishq o havas sab isī ilāqe meñ

ajab chalan hai ye bāzār-e-ishq kā ki yahāñ
chavannī chaltī hai ruupe meñ husn vāloñ kī

jin kī ta.amīr ishq kartā hai
kaun rahtā hai un makānoñ meñ

maanā ki shahr-e-husn meñ jins-e-vafā nahīñ
lekin jahāñ meñ ishq kī daulat ko kyā huā

koī bhī romance nahīñ
ishq ke koī maze nahīñ haiñ

suneñ bām-o-hosh pe jā ke kyuuñ tirī 'mullā' āyat-e-be-maza
abhī koī ishq meñ raat ko vo ġhazal sunī ki phaḌak ga.e

fusūn-e-ishq qimār-e-havas-garī Thahrā
tamām giryā-e-jāñ zeb-e-dāstāñ niklā