Tags-Izhar

pahlī kiran kī dhaar se kaT jā.eñge ye par
iz.hār kī uḌaan faqat raat bhar kī hai

kuchh rabt husn-e-yār kī tāza-garī se ho
āñkhoñ se ho ke silsila iz.hār tak chale

dām-e-ḳhushbū meñ giraftār sabā hai kab se
lafz iz.hār kī uljhan meñ paḌā hai kab se

kyuuñ jur.at-e-iz.hār pe hairān ho merī
abrū haiñ tumhāre koī talvār nahīñ hai

ishq-e-pinhāñ dīda-e-giryāñ ne zāhir kar diyā
hañsne kī jā hai lab-e-iz.hār āñkheñ ho ga.iiñ

hai bār-e-samā.at use iz.hār-e-tamannā
ye hāl-e-zabūñ us ko sunā bhī nahīñ saktā

pahchān liyā ham ne tumheñ rāh-numāo
bāteñ vahī pairāya-e-iz.hār na.e haiñ

lafz phir ruup badal kar mire dil meñ larze
shauq-e-iz.hār meñ be-tāb hue

maiñ ki terī ruuh kā iz.hār huuñ mumkin nahīñ
terī bātoñ meñ mire afkār kī ḳhushbū na ho

'sarvar' ne sunā.ī hī nahīñ ahl-e-ḳhirad ko
apnī ye ġhazal jur.at-e-iz.hār se pahle

kalīm ko na ġhash aatā na tuur hī jaltā
dabī zabān se iz.hār-e-ārzū karte

bahut hī parde meñ iz.hār-e-ārzū karte
nigāheñ kahtī haiñ ham un se guftugū karte

ret hai iz.hār ke paanī ke paar
aur vīrānī hai vīrānī ke paar

kisī se iz.hār-e-mudda.ā par mirā vo ḳhauf-o-hirās 'mahshar'
kisī kī vo tez tez sāñseñ kisī kī vo be-qarār āñkheñ

dil ke jazbe sāmne aa.e ḳhushbū ḳhvāb dhuāñ ban kar
jitnī dilkash soch thī us kī vaisā hī iz.hār huā

kaT ga.ī ehtiyāt-e-ishq meñ umr
ham se iz.hār-e-mudda.ā na huā

bhare hoñ aañkh meñ aañsū ḳhamīda gardan ho
to ḳhāmushī ko bhī iz.hār-e-mudda.ā kahiye

thā charāġh-e-iltijā lekin bujhā is shaan se
har muḳhātib se lab-e-iz.hār tak vo le gayā

har sher meñ iz.hār se ehsās ham-āġhosh
is daur meñ 'sāhir' sā suḳhan-var na milegā

ham kahāñ aur javāz-e-shikva kahāñ
naala iz.hār-e-be-kasī hai faqat