Tags-Izhar

tū rañg mahak ruup meñ aayā tujhe paayā
iz.hār tire pyaar kā bharpūr huā hai

aur hotī merī rusvā.ī nikhartā aur kuchh
ġhaur kartā aur kuchh iz.hār kartā aur kuchh

kab apne hone kā iz.hār karne aatī hai
ye aag mujh ko numūdār karne aatī hai

be-chārgī-e-dosh hai aur bār-e-garāñ hai
iz.hār pe pābandī hai aur muñh meñ zabāñ hai

iz.hār-e-hāl ke liye sūrat savāl hai
hai guftugū se kaam na ham ko zabāñ se rabt

mujh se ho iz.hār-e-ulfat vāh-vā
aap ke farmāne kī ye baat hai

malbūs badan dekheñ haiñ rañgīn qabā meñ
ab pairahan-e-zāt ko iz.hār meñ dekheñ

kuchh samajh meñ nahīñ aatā hai mizāj-e-yārāñ
jis ko dekho vahī iz.hār-e-vafā māñge hai

dekhnā lafzoñ ko ma.anī se mafar karte hue
chup ke aalam meñ mirā iz.hār hote dekhnā

ye dekheñ rāz-e-dil ab kaun kartā hai ayaañ pahle
nazar kartī hai iz.hār-e-mohabbat yā zabāñ pahle

chhupā rahtā hai dast-e-ārzū ḳhuddār logoñ kā
baḌī mushkil se apnī zaat kā iz.hār karte haiñ

kyā bane sūrat-e-iz.hār-e-ma.ānī ki ḳhayāl
abhī uljhā huā alfāz ke pechāk meñ hai

ek nāzuk dil ke andar hashr barpā kar diyā
haa.e ham ne kyuuñ ye iz.hār-e-tamannā kar diyā

ruuh kā iz.hār the bose mire
jaise merī shā.irī merā amal

lafz se jab na uThā bār-e-ḳhayāl
kaise kaise kiyā iz.hār-e-ḳhayāl

maiñ kisī lamha-e-be-vaqt kā ik saaya thā
yā kisī harf-e-tahī-ism kā iz.hār thā maiñ

na īmā-e-ḳhvāhish na iz.hār-e-matlab
mire muñh ko ahl-e-karam dekhte haiñ

iz.hār-e-mohabbat bhī hai ġhazab iz.hār-e-mohabbat kaun kare
hujjat un se jhagḌā mujh se har baar huī har baar huā

vo dasht-o-bayābān meñ iz.hār kā ḳhvāhāñ
maiñ apne chaman-zār meñ rone ke liye huuñ

mujh ko jo tum se huā vo pyaar bhī ujlat meñ thā
pyaar kyā is pyaar kā iz.hār bhī ujlat meñ thā