Tags-Jabr

tum bhī karoge jabr shab o roz is qadar
ham bhī kareñge sabr magar iḳhtiyār tak

jī par bhī ham ne jabr kiyā iḳhtiyār tak
jiite rahe aḳhīr dam-e-intizār tak

zulm ko us ne zulm kahā hai jabr ko us ne jabr kahā
ya.anī 'ziyā' ab 'ziyā' nahīñ hai vaqt kā vo mansūr huā

ba-zo.am-e-jabr tasarruf meñ jin ke duniyā thī
vo aaj rahm kī taḳhtī gale meñ Daale haiñ

ai sarāb-e-jabr-o-istibdād sun
ye jo pyāsoñ kā yaqīñ hai ishq hai

jabr be-chārgī ke māroñ meñ
ham haiñ ḳhud apne sogvāroñ meñ

maiñ shahr-e-jabr se guzrā to suraḳh-rū ho kar
unheñ ye fikr lahū kā nishāñ miTe kaise

suneñ to ham bhī zarā jabr-o-iḳhtiyār kī baat
kahāñ kahāñ haiñ ye shāmil kahāñ kahāñ se alag

ḳhush-lahnoñ ke liye gulshan bhī kunj-e-qafas ban jaa.e to
jabr ke gun gaate haiñ yā naġhmoñ meñ dard samote haiñ

maiñ jabr apnī tabī.at pe jab bhī kartā huuñ
dikhā.ī detā hai mujh ko jahāñ ajiib sā kuchh

jī rahī hai ab to bastī ek sannāTe ke saath
jabr ke mausam faqīroñ kī sadā tak le ga.e

jabr kis kā hai kaun hai majbūr
kis ne pheñkā hai jaal mat pūchho

na vo shān-e-jabr-e-shabāb hai na vo rañg-e-qahr-e-itāb hai
dil-e-be-qarār pe in dinoñ hai sitam yahī ki sitam nahīñ

ajiib kashmakash-e-jabr-o-iḳhtiyār rahī
ġham-e-hayāt isī darmiyān se niklā

jis ne qudrat ke har iqdām se Takkar lī hai
vo pashīmāñ na huā jabr-e-mashiyyat ke sivā

jabr kī dhuup se taptī saḌkeñ
log chalte nahīñ dekhe jaate

ab kyā sañvar sakeñge ham āvārgān-e-ishq
sadiyoñ ke jabr ne to sañvārā nahīñ hameñ

ai jabr-e-mashiyat ba-hama be-par-o-bālī
ab bhī hai jinheñ himmat-e-parvāz hamīñ haiñ

gar us pe bhī gul-e-āriz kā tū na de bosa
to phir maiñ jabr karūñ apne iḳhtiyār se luuñ

vo ek lamha jo sach bolne se Dartā hai
jo zulm sahtā hai jabr iḳhtiyār kartā hai