Tags-Jabr

kuchh haar ga.e jabr ke bā-vasf bhī zālim
kuchh jiit ga.e nezoñ pe sar hote hue bhī

rañj-e-ġhurbat ke sivā jabr ke pahlū bhī to haiñ
jo Tapakte nahīñ āñkhoñ se vo aañsū bhī to haiñ

jabr hai mujh pe nizām-e-fitrat
mujh pe har lamha girāñ hotā hai

tamām shahr samā.at kā jabr sahtā hai
ye kaisā shor barābar sunā.ī detā hai

ye jabr-e-mashiyat thā ki dekhā kiye barsoñ
andāz-e-shab-e-tār meñ āsār-e-sahar ham

jabr jo ḳhair se uljhā samjhā
illā ḳhudā thā banā lā patthar

ḳhud pe sau jabr kiye dil ko bahut samjhāyā
raas aa.ī kahāñ duniyā hameñ āsānī se

ik umr numū kī ḳhvāhish meñ mausam ke jabr sahe to khulā
har ḳhushbū aam nahīñ hotī har phuul gulāb nahīñ hotā

mire jabr meñ haiñ latāfateñ mirī qadr meñ haiñ kasāfateñ
kabhī ḳhāliq-e-shab-e-tār hai kabhī zau-fishāñ mirā haath hai

na rovo jabr kā aadī huuñ mujh pe rahm karo
tumheñ qasam mirī vārafta zindagī kī qasam

hayāt jabr-e-musalsal sahī magar us vaqt
rabāb-o-sāz uThāo ki ḳhvāb larzāñ haiñ

vābasta hai hamīñ se gar jabr hai o gar qadr
majbūr haiñ to ham haiñ muḳhtār haiñ to ham haiñ

tasḳhīr-e-kā.enāt-o-havādis ke bāvajūd
had pā sake na jabr-o-ġham-o-iḳhtiyār ke

tire tarīq-e-mohabbat pe bārhā sochā
ye jabr thā ki tire iḳhtiyār kā mausam

vaqt kā jabr bhī kaisā hai
tujh ko ''tū'' nahīñ rahne detā

milnā chhuḌāyā tum se mirā rashk-e-ġhair ne
kartā hai koī aap se jabr iḳhtiyār kab

kaisī had-e-jabr hai ye jis par
be-vaqt azaan de rahā huuñ

jaane vo koī jabr hai yā iḳhtiyār hai
daftar meñ thoḌī der jo kursī-nashīñ huuñ maiñ

hazār apnī tabī.at pe jabr kartā thā
maiñ sabr kartā thā be-iḳhtiyār maiñ bhī thā

hayāt jabr-e-musalsal hai tū hai jabr-shikan
har ek gaam pe āzādgī kā tujh ko salām