Tags-Jabr

terā mirā qusūr kyā ye to hai jabr-e-irtiqā
bas vo jo rabt ho gayā aap hī pā gayā numū

vaqt ke jabr se kab kār-e-junūñ-ḳhez rukā
koshish-e-sañg-zanī nuqta-e-āġhāz na ho

ham ko jakḌā hai yahāñ jabr kī zanjīroñ ne
ab to ye shahr hī zindān huā phirtā hai

jabr sahtā huuñ magar kab tak sahūñ insān huuñ
sabr kartā huuñ magar dil sabr ke qābil nahīñ

matā-e-jabr-e-zindagī hameñ bhī jis ne kī atā
usī kā iḳhtiyār hai zamīñ se āsmān tak

maiñ pūchh luuñ ki kyā hai mirā jabr o iḳhtiyār
yā-rab ye mas.ala kabhī āġhāz se uThā

abhī to duur hai manzil ye qāfiloñ ke hujūm
abhī to marhala-e-jabr-o-iḳhtiyār meñ haiñ

diin meñ jabr ko ravā rakhnā
maz.habī ḳhud-kushī nahīñ hogī

jabr sahtā huuñ magar kab tak sahūñ insān huuñ
sabr kartā huuñ magar dil sabr ke qābil nahīñ

vo merā isbāt chāhtā hai so jabr ye hai
maiñ apne hone meñ us ko be-iḳhtiyār dekhūñ

raushnī kī jabr ne āñkhoñ ko ḳhīra kar diyā
ab basārat ke liye kuchh zulmat-e-shab chāhiye

sabr kā dāmān-e-daulat hai amīroñ kā amiir
jabr kī daryūzgī ko saiñkaḌoñ dar chāhiye

kis liye ab jabr kī taklīf farmāte haiñ aap
banda-parvar maiñ to zer-e-iḳhtiyār aa hī gayā

ye duniyā akbar zulmoñ kī ham majbūrī kī anārkalī
ham dīvāroñ ke biich meñ haiñ ham narġha-e-jabr-o-jalāl meñ haiñ

jabr ko rahnumā samajhte the
kyuuñ zamāne se inhirāf kiyā

zulm aur jabr ke ahkām se ḳhāmosh magar
mohr paimān-e-mohabbat kī lagā.e hue hoñT

fazā-e-jabr tujhe chaak chaak kar deñge
nigal liye jo sitāre tirī kasāfat ne

ishq ko hazrat-e-'rāhīl' samajhte to haiñ jabr
qibla-o-ka.aba bhī majbūr na ho jaa.eñ kahīñ

ye jabr-e-mashiyat hai kī tanhā.ī kī aadat
maiñ qaid huuñ dīvār meñ dar hote hue bhī