Tags-Jalwa

jalva na ho ma.anī kā to sūrat kā asar kyā
bulbul gul-e-tasvīr kā shaidā nahīñ hotā

sham.a be-parvāna jalva be-nagar
kyā hue āḳhir vo mahfil-āshnā

tirī mahfil meñ ahl-e-dil ko jalva
nazar aa jā.egā shān-e-ḳhudā kā

ab vo ārā.ish-e-gesū se huā hai fāriġh
ab agar himmat-e-mūsā ho to jalva dekho

pās-e-adab se kab tak nīchī raheñ nigāheñ
shaffāf āstīneñ jalva-farāsh bāheñ

ye nahīñ to pher le āñkheñ ye jalva aur hai
terī duniyā aur hai shā.er kī duniyā aur hai

balā se maiñ agar ro ro ke bīnā.ī bhī kho baiThūñ
karūñgā kyā in āñkhoñ ko jo vo jalva na dekhūñgā

dil bazm-e-yār meñ hai to dil meñ hai bazm-e-yār
mujh meñ hai jalva-gāh to maiñ jalva-gāh meñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

shu.ūr masnad-e-auhām par hai jalva-fagan
kabhī biThāo haqīqat ke sā.ebān tale

tire hī dil meñ hai jalva-farmā butoñ kī sūrat ḳhudā kā jaadū
yahī hai dair aur yahī hai ka.aba yahī mohabbat kā ghar hai pyāre

shola-e-dil ko nāz-e-tābish hai
apnā jalva zarā dikhā jaanā

hai ka.ī din se muntazir 'ra.anā'
jalva dikhlāo aa ke chilman se

dair-o-ka.aba meñ DhūñDne vaalo
us kā jalva kahāñ nahīñ hotā

jahāñ meñ hai ziyā mirī maiñ husn-e-jalva-kār huuñ
maiñ raunaq is chaman kī huuñ maiñ fasl-e-nau-bahār huuñ

hai jalva-faroshī kī dukāñ jo ye ab isī ne
dīvār meñ khiḌkī sar-e-bāzār nikālī

ā.īna-e-dil meñ kuchh agar hai
terā hī jamāl jalva-gar hai

kyuuñ ḳhayāl-e-rañj-o-rāhat se na hoñ begāna ham
jalva-gāh-e-yār hai dil ya.anī ḳhalvat-ḳhāna ham

jalva is zid se vo dikhā deñge
ham ko da.avā hai taab laane kā

dikhā de ek din ai husn-e-rañgīñ jalva-gar ho kar
vo nazzāra jo in āñkhoñ meñ rah jaa.e nazar ho kar