Tags-Jalwa

vo dil meñ jāguzīñ hai mustaqil hai jalva-farmā.ī
bhalā aise meñ phir kis tarah se pardā kare koī

ghūñgaT jo gāloñ se uThā tār-e-nazāra jal gayā
sūraj the do jalva-figan ek is taraf ek us taraf

hijāboñ ko samajh baiThā maiñ jalva
nigāhoñ ko baḌā dhokā huā hai

zarā parda haTā do sāmne se bijliyāñ chamkeñ
mirā dil jalva-gāh-e-tūr ban jaa.e to achchhā ho

vo gul jis gulsitāñ meñ jalva-farmā.ī kare 'ġhālib'
chaTaknā ġhuncha-e-gul kā sadā-e-ḳhanda-e-dil hai

ham ko havas-e-jalva-gāh-e-tūr nahīñ hai
us husn kī kyā qadr jo mastūr nahīñ hai

namāz-e-dīd ke anjām par mujhe dil kā
ye mashvara hai ki ab tauf-e-jalva-gāh karo

kise mālūm husn-e-jalvagar kī kār-farmā.ī
nazar kis se milāte dekhne vaale nazar bhar ke

us pe qurbān ki jis ne tirī āvāz sunī
sadqe us aañkh ke jis ne tirā jalva dekhā

jalva-afgan nuur ke haiñ phuul phal tuubā kī tarf
ḳhuld se mañgvā.e haiñ ashjār qiasar-bāġh meñ

dil ke ā.īne meñ nit jalva-kunāñ rahtā hai
ham ne dekhā hai tū ai shoḳh jahāñ rahtā hai

haath rakh detā hai shāne pe tasavvur un kā
ġham kī rātoñ meñ koī jalva-figan hai ki jo thā

ye kaun jalva-fagan hai mirī nigāhoñ meñ
qadam qadam pe barastā hai nuur rāhoñ meñ

ye kis kī jalvagarī kā.enāt hai merī
ki ḳhaak ho ke bhī dil shola-e-tamannā hai

jahāñ hai qad us kā jalva-farmā to sarv vaañ kis hisāb meñ hai
vo qāmat aisā hai kuchh qayāmat qayāmat us kī rikāb meñ hai

sad-jalva be-hijāb ḳhirāmāñ hai aaj kal
sahmā huā sā gumbad gardāñ hai aaj kal

tajallī to huī muusā ko par merī tarah vaa.iz
hamesha jalva-gar har ik shajar hotā to kyā hotā

hamārī sāñsoñ kī jalva-gah meñ
vo saare chehre

vo husn ko jalva-gar kareñge
ārā.ish-e-bām-o-dar kareñge

ham dekhte haiñ roz mah-o-mehr kā jalva
kis roz tire ruḳh kā tamāshā nahīñ karte