Tags-Jalwa

ġhazab jalva-numā thā vasl us kā
abhī tak sochtā huuñ thā nahīñ thā

hañgām-e-jalva us ke mushkil hai Thahre rahnā
chitvan hai dil kī āfat-e-chashmak balā-e-jāñ hai

chashm meñ kyā nuur hai dil meñ bhī us kā hai zuhūr
zāhir-o-bātin vahī hai jalva-gar donoñ taraf

nigah bhī jurm kabhī jurm-e-be-nigāhī bhī
kisī usuul pe vo jalva-gāh-e-nāz nahīñ

uTh ki ḳhurshīd āsmāñ par jalva-afshāñ ho gayā
uTh ki goyā terī bedārī kā sāmāñ ho gayā

jalva hai usī kā sab gulshan meñ zamāne ke
gul phuul ko hai un ne parda sā banā rakhā

kaun sā ghar hai ki ai jaañ nahīñ kāshāna tirā aur jalva-ḳhāna tirā
mai-kada terā hai ka.aba tirā but-ḳhāna tirā sab hai jānāna tirā

muḳhtalif rañg haiñ mire 'ābid'
kabhī jalva kabhī hijāb huuñ maiñ

vo jalva jo sukūt-e-bazm-e-yaktā.ī meñ rahtā hai
vo jalva shorish-e-pinhāñ-o-paidā meñ nahīñ rahtā

ka.ī roz meñ aaj vo mehr-liqā huā mere jo sāmne jalva-numā
mujhe sabr o qarār zarā na rahā use pās-e-hijāb-o-hayā na rahā

tirā qurb thā ki firāq thā vahī terī jalvagarī rahī
ki jo raushnī tire jism kī thī mire badan meñ bharī rahī

shab ne jalva kiyā do-chār tarab-ḳhānoñ meñ
sub.h ke jalve bhī dīvār se aage na ga.e

dekh nigāh-e-shauq se husn-o-jamāl kā jahāñ
jalva hī jalva chār-sū husn-e-nazar-navāz se

jalva ki fareb-e-jalva thā jo ho tasvīr mukammal thī
ik shor uThā har jānib se pahchān liyā pahchān liyā

hasīnān-e-do-ālam meñ hai jalva husn-e-yaktā kā
nazar meñ husn-e-yaktā jab huā un sab se kyā matlab

vo aa.e to saarā āñgan saarā gulshan mahkegā
un kā jalva ḳhushbū ban kar gul meñ aksar utregā

naaz kī jalvagarī ke liye manzar hai niyāz
nā-tavānī mirī ham-rañg-e-tavānā.ī hai

apnī hī jalvagarī hai ye koī aur nahīñ
ġhaur se dekh agar aañkh meñ bīnā.ī hai

juuñ aks merā kahāñ Thikānā
tere jalve se jalva-gar huuñ

un meñ shān-e-ḳhudā hai jalva-fagan
ham ko asnām se mohabbat hai