Tags-Jalwa

kis se dekhā jā.egā us kā jamāl-e-nau-ba-nau
ek jalva hī nigāh-e-shauq ko pathrā gayā

donoñ āñkhoñ meñ hai ik jalva to do āñkheñ kyuuñ
putliyoñ kā ye tamāshā sā vagar na kyā hai

hosh meñ aa.uuñ to sochūñ abhī dekhā kyā hai
phir ye pūchhūñ ki ye pardā hai to jalva kyā hai

jalva kyā ḳhuub hai mahtābī kā mahtābī par
lutf-e-mai-noshī hai ai rashk-e-qamar aaj kī raat

vo gadā-garān-e-jalva sar-e-rahguzār chup the
jinheñ tujh se thiiñ umīdeñ vo umīd-vār chup the

rañg-e-shafaq meñ ḳhūn-e-shahīdāñ hai jalva-gar
apne aziim mulk kī sauġhāt le chaleñ

sad rañg jalva-gar hai har jaada ġhairat gul
āshiq kī ek paave kyuuñ kar qarār ḳhvāhish

jalva dikhlā de shāh-e-dīñ mujh ko
tere lutf-o-karam se duur nahīñ

bāġh-o-chaman pesh-e-nazar bazm-e-tarab shām-o-sahar
har-sū ba-kasrat jalva-gar husn-e-butān-e-nāznīñ

jab se apnā ka.aba-e-dil jalva-gāh-e-yār hai
baḌh ga.ī hai āshiqoñ meñ azmat-e-dil aur bhī

ga.e the ham bhī 'jigar' jalva-gāh-e-jānāñ meñ
vo pūchhte hī rahe ham se baat bhī na huī

be-ḳhudī ke ba.ad kyā guzrī nahīñ kuchh bhī ḳhabar
jalva-gāh-e-nāz tak pahuñchā bas itnā dhyān hai

rātoñ ko aañkh uThā ke zarā dekh to sahī
kyā shakleñ jalva-gar haiñ falak ke ravāq meñ

ghaTā.eñ zulfeñ ḳhumār palkeñ mahīn āñchal pe māh-o-anjum
suhānī rātoñ kī chāñdnī meñ hai chhat pe jalva tirā qayāmat

vo maah jalva dikhā kar hameñ huā rū-posh
ye aarzū hai ki nikle kahīñ dobārā chāñd

ġham tirā jalva-gah-e-kaun-o-makāñ hai ki jo thā
ya.anī insān vahī sho.ala-ba-jāñ hai ki jo thā

jalva ho to jalva ho parda ho to parda ho
tauhīn-e-tajallī hai chilman se na jhāñkā kar

kahte haiñ jis ko jalva vo bhī kahīñ rukā hai
aaḌeñ fuzūl kī haiñ parde fuzūl Daale