Tags-Jalwa

sitāre palkoñ pe jalva-gar the shikast-e-azm-e-fuġhāñ se pahle
ġham-e-nihāñ se zamāna vāqif thā sharh-e-soz-e-nihāñ se pahle

jab ham hudūd-e-dair-o-haram se guzar ga.e
har samt un kā jalva ayaañ thā jidhar ga.e

kitne chehroñ ne mujhe dāvat-e-jalva baḳhshī
koī sūrat na milī aap kī sūrat ke sivā

afsurda anjuman hai fasurda haiñ ahl-e-dil
ye kaun aaj jalva-gah-e-nāz se uThā

jalva tirā kahāñ nahīñ ai āsmān-e-husn
jis jā falak na ho koī aisī zamīñ nahīñ

āñkhoñ meñ nuur dil meñ ziyā siine meñ safā
jalva kahāñ kahāñ tirā ai nāznīñ nahīñ

jalva-gāh-e-zāt se kab ḳhud-nigar vāpas hue
aur agar vāpas hue to be-basar vāpas hue

vo kaun dil hai jahāñ jalva-gar vo nuur nahīñ
is āftāb kā kis zarre meñ zuhūr nahīñ

shaiḳh aa jalva ḳhudā kā mai-kade meñ hai mire
kyuuñ ragaḌtā hai abas ka.abe ke tū dar par jabīñ

do-ālam jalva-gāh-e-husn meñ ain-e-basīrat meñ
ye aks-e-shaḳhs hai ā.īne meñ sūrat-numā kyā hai

apne daatā kī haqīqat ke haiñ jalva tum meñ
lam.a-e-nūr-e-tajallī kī qasam yā ma.abūd

dil jalva-gāh-e-husn banā faiz-e-ishq se
vo daaġh hai ki shāhid-e-rānā kaheñ jise

us jalva-gāh-e-husn meñ chhāyā hai har taraf
aisā hijāb chashm-e-tamāshā kaheñ jise

kyā mah-o-mahr kyā gul-o-lāla
jab maiñ dekhā to jalva-gar tū hai

vo to 'bedār' hai ayaañ lekin
us ke jalva se be-ḳhabar tū hai

kheltī thī naujavānī jab ki bāñhoñ meñ tirī
zindagī kī bārisheñ thiiñ jalva-gāhoñ meñ tirī

mire dil meñ tū hī hai jalva-gar tirā aa.ina huuñ maiñ sar-basar
yūñhī duur hī se nazar na kar kabhī paas aa ke bhī dekh le

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

un ke aage har nayā maidān hogā jalva-gāh
aur tirā stage hogā sirf shauhar kī nigāh

sulūk-e-tarīqat hai āfāq-o-anfus
ki jalva hai tanzīh meñ sīm-tan kā