Tags-Jannat

jannat meñ bhī 'momin' na milā haa.e butoñ se
jaur-e-ajal-e-tafraqa-pardāz to dekho

phir haqīqat kī usī jannat kī jānib lauT kar
bandagī ko laġhzish-e-ādam banā saktā huuñ maiñ

mujh ko jannat se uThā kar ye kahāñ pheñk diyā
apne maskan se bahut duur rahūñgā kaise

kaisī jannat ke talabgār haiñ tū jāntā hai
terī likkhī huī duniyā ko miTāte hue ham

un kī galī nahīñ hai na un kā harīm hai
jannat bhī mere vāste jannat nahīñ rahī

vo chain to shāyad rizvāñ ko jannat meñ kyā miltā hogā
jo mujh ko sukūñ mil jaatā hai saa.e meñ kisī kī kākul ke

sau baar basā.ī hai shab-e-vasl kī jannat
sau baar ġham-e-hijr ke sho.aloñ meñ jale haiñ

go jannat-e-nigāh hoñ firdaus-e-rañg hoñ
guzrī huī hasīn bahāroñ ko kyā karūñ

zarūrī ho jis ke liye ek dozaḳh
vo mere tasavvur kī jannat nahīñ hai

daadī kā thā daulat-ḳhāna
ghar kyā thā ik jannat-ḳhāna

jab se mere baaġh meñ añgūr ke daane lage
mujh ko duniyā meñ hī jannat ke maze aane lage

us ko jannat milegī ye tai ho gayā
nek rāhoñ pe jo bhī sadā se chalā

jūu-e-jannat hai chehre sayyād kī
merī gardan par hai haq gulzār kā

huuñ maiñ vo dil-soḳhta tāsīr-e-āh-e-garm se
gulshan-e-jannat meñ bhī daur-e-ḳhizāñ paidā karūñ

jannat-e-qalb-o-nazar chāñd-sitāroñ kā jahāñ
jaise andāz-e-sabā jaise bahāroñ kā jahāñ

na.e saal meñ pichhlī nafrat bhulā deñ
chalo apnī duniyā ko jannat banā deñ

merā to salām us ko bahār-e-dar-e-jānāñ
tujh se agar achchhī koī jannat hai kahīñ aur

hai niyyat hī meñ dozaḳh aur jannat
yahī dam-soz bhī dam-sāz bhī hai

kisī kī yaad meñ kho.e raheñge
gunah-gāroñ ko ye jannat bahut hai

ruuh tanhā ga.ī jannat ko subuk-sārī se
chaar ke kāñdhe uThā jism girāñbārī se