Tags-Jawani

kūcha-e-ishq se nākām palaTne vaale
tū ne dekhā thā vahāñ merī javānī paḌī thī

afsāna-e-ġham hai shādmānī merī
maiñ kaun huuñ aur kyā javānī merī

tū aaj bhī hai mere liye jannat-e-ḳhayāl
haiñ tujh meñ dafn merī javānī ke chaar saal

javānī meñ hamārī tund-ḳhūī ek aafat thī
hamāre dam se har mahfil meñ jhagḌā thā jhamelā thā

mohabbat kī junūñ-añgeziyoñ se ham bhī vāqif haiñ
javānī meñ javāno ham ne bhī ye khel khelā thā

bhūle hue ho ahd-e-javānī pe kis liye
is se to pā.edār ziyāda habāb hai

Tapak le ḳhuun armānoñ kā āñkhoñ se zarā Thahro
mirī luTtī huī rañgīñ javānī dekhte jaao

mujh ko ḳhud apnī javānī kī qasam hai ki ye ishq
ik javānī kī sharārat ke sivā kuchh bhī nahīñ

duur junūñ meñ yaas kā aalam hashr se pahle hashr kā manzar
taptā mausam sard havā.eñ uf rī javānī haa.e zamāne

hañste hañste ruuTh bhī jaa.eñ uf rī javānī haa.e zamāne
sonā chāñdī donoñ kaTā.eñ uf rī javānī haa.e zamāne

aah 'habīb' is daur kī bāteñ ḳhvāb kī lazzat yaas kā aalam
kartī thiiñ ishāre jab lailā.eñ uf rī javānī haa.e zamāne

yaad jo aa.e ḳhud sharmā.eñ uf rī javānī haa.e zamāne
jeTh meñ baiThe sāvan gaa.eñ uf rī javānī haa.e zamāne

kis kā Dar aur kis kā khaTkā ek hī sāhil ek hī rasta
sapnoñ kī naav khete jaa.eñ uf rī javānī haa.e zamāne

giit surīlā taan anokhī nashshe kā aalam kaif sarāpā
jaise kanhayyā bansī bajā.eñ uf rī javānī haa.e zamāne

din kā chakkar raat ke phere paañv dabā kar raah kā chalnā
chor kī sūrat ḳhud ghabrā.eñ uf rī javānī haa.e zamāne

hilāl o badr donoñ meñ 'amīr' un kī tajallī hai
ye ḳhāka hai javānī kā vo naqsha hai laḌakpan kā

rah ga.ī yād-e-javānī vo javānī ab kahāñ
dāġh-e-dāman hai miTe sar-josh chhalkā.ī huī

kyā huī merī javānī josh par aa.ī huī
haa.e vo nāzuk gulābī merī chhalkā.ī huī

ab to muñh dikhā apnā kaash ke tū ai piirī
mil ga.ī tirī ḳhātir ḳhaak meñ javānī yaañ