Tags-Jawani

'sīmāb' karo ab allāh allāh
tā-chand ye mātam-e-javānī

afsos guzar ga.ī javānī
vo lamha-e-kaif-o-shādmānī

uThtī javānī jo hai to din-ba-din
aur hī aalam hai kuchh is gaat kā

mohabbat aur javānī ke tazkire na karo
kisī satā.e hue ko bahut satāo nahīñ

āshnā haiñ tire qadmoñ se vo rāheñ jin par
us kī mad.hosh javānī ne ināyat kī hai

kahāñ tak jafā husn vāloñ kī sahte
javānī jo rahtī to phir ham na rahte

jab javānī ga.ī chhuḌā kar haath
us pe piirī na kuchh chalī dil kī

vo sair-e-sub.h ke aalam meñ hotā hai to maiñ us se
ghaḌī bhar ke liye ḳhvāb-e-javānī maañg letā huuñ

hai nau-javānī meñ zo.af-e-pīrī badan meñ ra.asha kamar meñ ḳham hai
zamīñ pe saaya hai apne qad kā ki jāda-e-manzil-e-adam hai

asar-e-bāda-e-javānī hai
kar gayā huuñ savāl kuchh kā kuchh

ahd-e-javānī biit gayā
kar ab jiine kī tadbīr

hamārī raah meñ baiThegī kab tak terī duniyā
kabhī to is zuleḳhā kī javānī ḳhatm hogī

araq-ālūd haiñ ye soch ke aariz gul ke
sub.h-e-ḳhurshīd na shabnam kī javānī māñge

be-kaif javānī hai be-dard zamāna hai
nākām-e-mohabbat kā itnā hī fasāna hai

vo khanakte gungunāte jhūmte gaate badan
ahd-e-pīrī meñ javānī ham ko yaad aa.ī bahut

pyārī kā haath apnī baġhal meñ liye hue
āñkheñ sharāb-e-husn-e-javānī piye hue

uf-re bād-e-josh-e-javānī aañkh na un kī uThtī thī
mastāna har ek adā thī har ishva mastāna thā

mai-kade jūmeñge barsegī javānī kī sharāb
vo chhalaktī huī nazroñ se jidhar dekheñge

aur bhī kyā qayāmat aa.egī
pūchhnā hai tirī javānī se

aah misl-e-shab-e-javānī jald
kyā ye roz-e-visāl jaatā hai