Tags-Jawani

kyā bāda-e-javānī mard-āzamāñ nasha thā
ab ai 'qalaq' vabāl-e-ḳhvāb-o-ḳhumār haiñ ham

hai javānī ḳhud javānī kā siñgār
sādgī gahna hai is sin ke liye

pur-kashish jitne haiñ us shoḳh javānī ke nuqūsh
saare naqshe mire ash.ār meñ Dhal jaate haiñ

maarā zamāne ne asadullāh ḳhaañ tumheñ
vo valvale kahāñ vo javānī kidhar ga.ī

nāz-o-andāz-o-adā meñ hai taraqqī dah-chand
fitna tiflī thī qayāmat hai javānī terī

haa.e kyā chiiz thī javānī bhī
ab to din raat yaad aatī hai

dhuup aa.e to suhānī aa.e
chāñdnī le ke javānī aa.e

fasl aisī nahīñ javānī kī
dekhte-bhālte rahā kiije

yaad hai ab tak mujhe ahd-e-javānī yaad hai
dil ke basne aur ujaḌne kī kahānī yaad hai

is qadar dhāñdlī achchhī nahīñ umr-e-rafta
merā bachpan na sahī merī javānī mujhe de

jo achchhe haiñ un kī kahānī bhī achchhī
laḌakpan bhī achchhā javānī bhī achchhī

husn ko shakleñ dikhānī aa ga.iiñ
shoḳhiyāñ le kar javānī aa ga.iiñ

ki jis ke hamrāh biitā bachpan
ki jis ke hamrāh thī javānī

ki jis ke hamrāh biitā bachpan
ki jis ke hamrāh thī javānī

jab milā koī hasīñ jaan par aafat aa.ī
sau jagah ahd-e-javānī meñ tabī.at aa.ī

kam-sinī par hai ajab haal tumhārā yaaro
sun lo āsān nahīñ us kī javānī sunñā

shāḳheñ bhī balā.eñ letī haiñ patte bhī nichhāvar hote haiñ
allāh re javānī gulshan kī uf uf re zamāna phūloñ kā

ab vo piirī meñ kahāñ ahd-e-javānī kī umañg
rañg maujoñ kā badal jāatā hai sāhil ke qarīb

ḳhumār-e-ishq bhī utregā roz-e-vasl ke baad
rahegī apnī bhalā umr bhar javānī kyā

ye barsāt ye mausam-e-shādmānī
ḳhas-o-ḳhār par phaT paḌī hai javānī