Tags-Jawani

mirī kisht-e-dil par pa-e-zhāla-bārī
hai saped bādal aqab-e-javānī

vo uTheñge tūfāñ ki ḳhudā bachā.e
ye na.e nazāre ye bharī javānī

hai ḳhushī kā saudā ḳhalish-e-nihānī
hai jigar kā chhālā samar-e-javānī

tiflī kī mohabbat ko javānī meñ na bhūlo
insāf karo kyā se hue kyā mire aage

jab javānī josh par aa.ī to vo ruḳhsat hue
zindagī ke qasr kī ta.amīr aadhī rah ga.ī

haa.e kyā chiiz thī javānī bhī
ab to din-rāt yaad aatī hai

ye hameñ ai 'nūh' kyā ma.alūm thā
jald dīvānī javānī jā.egī

us javāñ ke ġham-e-hijrāñ ne kiyā hai būḌhā
ḳhizr bhī dekh ke jis but ko javānī māñge

mast haiñ nashsha-e-javānī se
kyā ḳhabar aap ko kisī dil kī

sāz-e-dil ko gudgudāyā ishq ne
maut ko le kar javānī aa ga.ī

jhuum kar badlī uThī aur chhā ga.ī
saarī duniyā par javānī aa ga.ī

kaale kamroñ meñ kaTī saarī javānī us kī
jis ne ai sub.h-e-mohabbat tirā rastā dekhā

shabāb-e-rafta phir aatā nahīñ javānī par
ye vo makāñ hai ki jis ko galī nahīñ jaatī

sulagte sochte vīrān mausamoñ kī tarah
kaḌā thā ahd-e-javānī magar guzar bhī gayā

husn kā Dhalnā zarūrī hai magar ai mālik
us ke chehre pe mire dil kī javānī likh de

mauj-e-taḳhayyul gul kā tabassum partav-e-shabnam bijlī kā saaya
dhokā hai dhokā nām-e-javānī is ko javānī koī na samjhe

hoshiyār ai mast-o-madhosh-e-javānī hoshiyār
ishq vo dariyā hai jo minnat-kash-e-sāhil nahīñ

le gayā vo chhīn kar merī javānī
us pe bas yūñhī jhapaT kar rah gayā maiñ

vo javānī 'ayāz' aisī thī
baat maiñ bhī kharī kharī kartā

mujh ko būḌhā na kahe mere zamāne vaalā
ai ḳhudā mujh ko vo e.ajāz-e-javānī de de