Tags-Jawani

badan ki uḌne ko par taultā parinda sā
kisī kamān sī chaḌhtī nadī javānī kī

mahramoñ se aap ke joban kā uqda khul gayā
aap kī uThtī javānī kā pata dene lage

peT kī aag meñ barbād javānī kar ke
panchhī lauTe haiñ abhī naql-e-makānī kar ke

hai saaf nigāhoñ se ayaañ josh-e-javānī
āñkhoñ se sambhaltā nahīñ mastāna-pan un kā

umr guzrī hai kāmrānī se
koī shikva nahīñ javānī se

ahd-e-javānī ro ro kaaTā piirī meñ liiñ āñkheñ muuñd
yaanī raat bahut the jaage sub.h huī ārām kiyā

abhī se tauba abhī se taqvā abhī se kyā fikr-e-dīn-o-uqbā
na.ī umañgeñ na.ī tarañgeñ na.ī javānī hai aur ham haiñ

ye ishq par husn kī ināyat ye husn se ishq kī irādat
hamārī hasrat hai aur tū hai tirī javānī hai aur ham haiñ

ḳhayāl meñ ik na ik maze kī na.ī kahānī hai aur ham haiñ
abhī tamannā hai aur dil hai abhī javānī hai aur ham haiñ

yahī duā hai vatan ke shikasta hāloñ kī
yahī umañg javānī ke naunihāloñ kī

kahte haiñ umr-e-rafta kabhī lauTtī nahīñ
jā mai-kade se merī javānī uThā ke lā

phuul pe jab ik titlī dekhī apnī javānī yaad aa.ī
aaj na jaane phir kyuuñ mujh ko apnī kahānī yaad aa.ī

nāsehā āshiqī meñ rakh ma.azūr
kyā karūñ ālam-e-javānī hai

tāsīr-ba-daman thiiñ javānī kī duā.eñ
har aah asar-ḳhez thī har naala rasā thā

javānī kā joban Dhalā din kī sūrat
zavāl aa gayā dopahar hote hote

bekār sī javānī hai jis par sitam na ho
shīrīñ huā shajar pe samar bhī tapan ke ba.ad

socho to javānī kabhī vāpas nahīñ aatī
dekho to kabhī aa ke buḌhāpā nahīñ jaatā

javānī jā rahī hai aur maiñ mahv-e-tamāshā huuñ
uḌī jaatī hai manzil aur Thahartā jā rahā huuñ maiñ

letā thā javānī meñ kabhī jis kī panāh
vo pyaar nazar aatā hai ab us ko gunāh

ḳhvāhishoñ kī aaḌ meñ rutba javānī le ga.ī
pattharoñ ke Dher se mazdūr raanī le ga.ī