Tags-Jawani

yuuñ bhī apnā ahd-e-javānī ḳhvāb thā dilkash chehroñ kā
aur ġhubār-e-vaqt ne to vo chehre bhī dhundlā.e phir

mausam-e-gul hai na daur-e-jām-o-sahba rah gayā
le ga.ī sab ko javānī maiñ akelā rah gayā

kaisā khilā hai phuul jab aayā bahār par
pūchhe to koī lutf-e-javānī javān se

is ubhre ubhre joban par yūñhī vo baiThe rah jaate
unheñ uThtī javānī kā mazā ab tak nahīñ aayā

batā deñ aa gayā kyā tum ko is uThtī javānī meñ
batā deñ kaan meñ chupke se kyā ab tak nahīñ aayā

ajab mausam meñ kaTtī thī javānī
chaman thā aur lutf-e-qissa-ḳhvāñ the

shohra hai bahār-e-āriz kā bulbul kī tarah āshiq haiñ fidā
hai bāġh-e-javānī rūh-afzā barg-e-gul-e-tar hai partav-e-ruḳh

ye manzil ye hasīñ manzil javānī naam hai jis kā
yahāñ se aur aage baḌhnā ye umr-e-ravāñ merī

shitāb kho ga.ī piirī javānī do din kī
chhupī sahar meñ shab-e-kāmrānī do din kī

saare chaman ko dasht meñ tabdīl kar ga.e
be-dard the jo ain javānī meñ mar ga.e

bahār-e-javānī hayāt-e-javānī na ye ġhair-fānī na vo ġhair-fānī
urūs-e-chaman kā utartā hai gahnā ḳhizāñ ke zamāne meñ hotī hai patjhaḌ

mohabbat ne chhoḌā ye turfa shagūfa bahār-e-javānī bhī dil ne na dekhī
abhī phūlne-phalne ke din kahāñ the magar kaT ga.ī naḳhl-e-ummīd kī jaḌ

muñh lagāyā na duḳhtar-e-raz ko
maiñ javānī meñ pārsā.ī kī

muñh pher ke yuuñ chalī javānī
yaad aa gayā rūThnā kisī kā

vo ahd-e-javānī vo ḳharābāt kā aalam
naġhmāt meñ Duubī huī barsāt kā aalam

'dāġh' ke sher javānī meñ bhale lagte haiñ
'mīr' kī koī ġhazal gaao ki kuchh chain paḌe

hai hāsil-e-sad-zīst javānī kā ye aalam
ai umr-e-gurezāñ mujhe rahne de yahīñ aur

ġham-e-daurāñ mire bāzū-e-shikasta se na khel
mashġhale merī javānī ke liye aur bhī haiñ

kyuuñ ujāloñ kī navāzish ho rahī hai har taraf
kyā koī bujhte charāġhoñ ko javānī de gayā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar