Collections

Lab Shayari

Motivational Ghazals

Best Khamoshi Shayari

More Collections

Tags-Jawani

sunātā huuñ kapḌoñ kī uryāñ kahānī
miyāñ bhaav par aa ga.ī hai javānī

abhi bhuk se ek chuha mara hai

javānī meñ kyuuñ sar uThā.eñ na gesū
ki ab Dasne vaale ye kaale hue haiñ

ye sidhe jo ab zulfon wale hue hain

dekhte dekhte bharpūr javānī kī hayā
terī bebāk nigāhoñ meñ samā jā.egī

baada-e-nim-ras

afsāna-e-junūñ nahīñ pāband-e-māh-o-sāl
yaad aa rahā hai daur-e-javānī ġhazal suno

kali ghazal suno na suhani ghazal suno

tere jaate hī maiñ shiknoñ se na bhar jā.ūñ kahīñ
kyuuñ judā mujh se javānī kī tarah hotā hai

harf apne hi maani ki tarah hota hai

azmat-e-insan

gul-bār ridā-e-āzādī sarshār javānī kā parcham
ye amn ke naġhmoñ kā mutrib ḳhāmosh baġhāvat kā ye alam

ai subh-e-watan

jism meñ ḳhuuñ kī ravānī kā maza aa.egā
ishq hote hī javānī kā maza aa.egā

jism mein KHun ki rawani ka maza aaega

bas ek hī mausam kā tasalsul hai ye duniyā
kyā hijr-zada ḳhvāb-e-javānī se nikalte

tare jo kabhi ashk-fishani se nikalte

aa.ī jis roz se beTī pe javānī us kī
baap har vaqt pareshān nazar aatā hai

rah bhaTka hua insan nazar aata hai

in dīvāroñ pe hī huī tahrīr
mere maañ baap kī javānī bhī

ye zamini bhi hai zamani bhi

bahut sādgī us ke bachpan meñ thī
javānī kā qissa bhī saada milā

talab se bhi kuchh aur ziyaada mila

har ik shai uḌ ga.ī merī havāoñ kī ravānī se
simaT ke rah ga.ī ḳhvāhish vafāoñ kī javānī meñ

ghamon ki bhiD ne kuchla hai mujhko shadmani mein

sair kar duniyā kī ġhāfil zindagānī phir kahāñ
zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

ai shor-e-hashr Thahar ki fursat nahīñ hameñ
haiñ ġhaflatoñ ke josh javānī kā ḳhvāb hai

pite hain mai gunah ba-qasd-e-sawab hai

piirī meñ bhī miltā hai jo kam-sin koī mahbūb
kartī hai vahīñ uud javānī mire dil kī

sau qisson se behtar hai kahani mere dil ki

javānī kī umañgeñ shauq-e-ilmī zehn-o-tabbā.ī
zakāvat hausla hilm-o-muravvat rahm-o-ġham-ḳhvārī

zaban-e-dargor

da.ave baḌe haiñ tum ko javānī kī niiñd par
achchhā to aaj raat ko naalā kareñge ham

aahen bharenge hum kabhi nala karenge hum

log kahte haiñ ki bad-nāmī se bachnā chāhiye
keh do be us ke javānī kā mazā miltā nahīñ

falsafi ko bahs ke andar KHuda milta nahin

sivā tiflī se bhī haiñ bholī bāteñ ab javānī meñ
qayāmat hai ki din par din vo nādāñ hote jaate haiñ

haram kya dair kya donon ye viran hote jate hain