Tags-Jawani

tumhāre qurb ke mausam kidhar ga.e 'tāriq'
kidhar ga.ī vo javānī talāsh karte rahe

dekh rahe haiñ ham bhī javānī ke mausam
band havā meñ kaise dupaTTe uḌte haiñ

kam nahīñ nashshe meñ jaaḌe kī gulābī rāteñ
aur agar terī javānī bhī milā dī jaa.e

shauq-e-ḳhud-bīnī sitam nīndeñ javānī kī ġhazab
be-ḳhabar sote haiñ vo rakkhā hai muñh par ā.īna

luTā.ī kisī ne javānī vatan pe
dishā.eñ bhī shahnā.iyāñ ho rahīñ haiñ

shaiḳh-o-barahman zāhid-o-vā.iz būḌhe-khūsaT kyā jāneñ
bhuul bhī ho jaatī hai is meñ is kā naam javānī hai

javānī-o-husn-o-jāh-o-daulat ye chand anfās ke haiñ jhagḌe
ajal hai istāda dast-basta naved-e-ruḳhsat har ek dam hai

javānī kā ab rañg kuchh aa chalā hai
vo ab ho chale haiñ satāne ke qābil

aḳhīr ho ga.e ġhaflat meñ din javānī ke
bahār-e-umr huī kab ḳhizāñ nahīñ ma.alūm

yūñhī uThā ke buḌhāpe ko sauñp dī ham ne
tumhāre baad bharī ye javānī kyā karte

javānī meñ kise nekī badī kā hosh hotā hai
javānī meñ nahīñ kuchh sūjhtā sūd-o-ziyāñ apnā

ḳhudā rakkhe javānī aa ga.ī hai
gunah bāñkā-sajīlā ho gayā hai

zo.af-e-pīrī chhā gayā zor-e-javānī chal basā
ab chaleñ batlā.īye kis ke sahāre haath paañv

tirī mohabbat kī vādiyoñ meñ mirī javānī se duur kyā hai
jo saada paanī ko ik nashīlī nazar meñ rañgīñ sharāb kar de

harīm-e-ishrat meñ sone vaale shamīm-e-gesū kī mastiyoñ se
mirī javānī kī saada rātoñ ko ab to sarshār ḳhvāb kar de

javānī aa.ī murād par jab umañg jaatī rahī bashar kī
nasīb hote hī chaudhvīñ shab shikoh ruḳhsat huī qamar kī

ā.īne ke sāmne baiThā hai kaun
aaj manzar par javānī aur hai

ek mauhūm sā tūfān-e-ḳhudī
kuchh nahīñ josh-e-javānī kyā hai

ahd-e-pīrī meñ rulātī hai lahū
haa.e kambaḳht javānī kyā hai

umr-e-rafta kī kahānī kyā hai
ek tohmat hai javānī kyā hai