Tags-Jawani

ye ahd-e-javānī shoḳhī-e-gul do din kī bahāreñ hotī haiñ
dekheñ to kabhī vo rañg-e-ḳhizāñ jo husn pe nāzāñ hote haiñ

phisal rahī hai javānī kī ret muTThī se
guzar rahe haiñ mire din inheñ guzarnā hai

ek beTā milā thā minnat se
mar gayā thā vahī javānī meñ

gulshan meñ dekh kar mire mast-e-shabāb ko
sharmā.ī jaarī hai javānī bahār kī

nikhartā buḌhāpā machaltī javānī
kahīñ but-garī hai kahīñ but-parastī

bane husn vaale sarāpā qayāmat javānī jab aa.ī to andāz aa.e
girā.ī kabhī shoḳh nazroñ se bijlī kabhī sharm aa.ī kabhī muskurā.e

dhuup ne kachche phaloñ meñ dard kā ras bhar diyā
ishq kī uftād nā-puḳhta javānī par paḌī

tauba tauba ye balā-ḳhez javānī tauba
dekh kar us but-e-kāfir ko ḳhudā yaad aayā

sarmā kī chāñdnī thī javānī guzar ga.ī
jhulsā rahī hai dhuup buḌhāpā Thahar gayā

javānī bhaTaktī hai bad-kār ban kar
javāñ jism sajte haiñ bāzār ban kar

kāfir gesū vāloñ kī raat basar yuuñ hotī hai
husn hifāzat kartā hai aur javānī sotī hai

gir paḌe aañsū urūj-e-māh-e-kāmil dekh kar
mirī nazroñ meñ tirā ahd-e-javānī phir gayā

hai bas ki javānī meñ buḌhāpe kā ġham
har saañs se aatī hai sadā-e-mātam

abhī tiflī hī meñ vo but namūna hai qayāmat kā
javānī meñ nahīñ mālūm kyā nām-e-ḳhudā nikle

kyuuñ javānī ke pīchhe paḌte haiñ
bhāgte ko nahīñ pakaḌte haiñ

sab ko jaanā hai yuuñ to par ai sabr
aatī hai ik tirī javānī kī

javānī se ziyāda vaqt-e-pīrī josh hotā hai
bhaḌaktā hai charāġh-e-sub.h jab ḳhāmosh hotā hai

jis ne kuchh ehtiyāt javānī meñ kī nahīñ
aql-e-salīm kahtī hai vo aadmī nahīñ

surḳh hoñToñ kī tāzgī ke liye
ḳhuun kis ne diyā javānī kā

ik martaba dil pe iztirābī aa.ī
ya.anī ki ajal merī shitābī aa.ī