Tags-Jawani

kyā ḳhabar thī ik balā-e-nā-gahānī aa.egī
nā-murādī kī nishānī ye javānī aa.egī

laate hī kuchh rañg-e-javānī aañkh se yuuñ kiiñ aañkh ne bāteñ
aao dikhā.eñ sab ko ghāteñ sho.abda-gar tum jādūgar ham

khelā bachpan jhūmā laḌakpan lahkī javānī chaubāroñ meñ
lāThī thāme dekhā buḌhāpā nagrī ke galiyāroñ meñ

uḌaa.e phirtī hai un ko javānī
qadam paḌtā nahīñ un kā zamīñ par

mujhe us se kyā tavaqqo ba-zamāna-e-javānī
kabhī kūdkī meñ jis ne na sunī mirī kahānī

usī kahānī ne rañg dī hai mirī javānī kī har nishānī
maiñ jis kahānī meñ zindagānī ke rañg bhartā javāñ huā thā

javānī rā.egāñ jaa.e to achchhā
javānī ek ḳhvāb-e-rā.egāñ hai

faaqa kar ke na buḌhāpe meñ javānī Daalo
peT meñ pahle mire kuchh to bhavānī Daalo

buḌhāpā duur hai zohd-o-vara.a jis kā taqāzā hai
javānī meñ to kuchh ishq-e-butāñ kā zikr karne do

idhar mirā dil taḌap rahā hai tirī javānī kī justujū meñ
udhar mire dil kī aarzū meñ machal rahā hai shabāb terā

maiñ ne chāhā thā sar-e-sub.h javānī bhī yahī
tum hī sāñsoñ kī mahak dil kī talab ban jaao

javānī kī umañgoñ kā yahī anjām hai shāyad
chale aao ki va.ade kī suhānī shaam hai shāyad

jahāñ koī dekhā hasīñ jalva-ārā
vahīñ ham ne apnī javānī luTā dī

adāoñ ko dekhā nigāhoñ ko dekhā
hazāroñ tarah se javānī luTā dī

kuchh is tarah zālim ne dekhā ki ham ne
na sochā na samjhā javānī luTā dī

tire ishq meñ zindagānī luTā dī
ajab khel khelā javānī luTā dī

tumhīñ par se 'bahzād' ne be-ḳhudī meñ
kyā dil tasadduq javānī luTā dī

javānī ke jazboñ se allāh samjhe
javānī jo dekhī javānī luTā dī

za.īfī meñ tū 'shād' allāhu-akbar pī gayā ḳhum tak
javānī meñ kaho ye riñd mai-āshām kyā hogā

jaag ai ġhāfil ki piirī kī huī terī sahar
kaT ga.ī ġhaflat kī shab ahd-e-javānī ho gayā